దేవుడు చీకటి నుండి వెలుగును వేరుపరచాడు అని చూపుట. మన హృదయాలలో కూడా ఆయన వెలుగు నింపగలడు అని బోధించుట.

దేవుడు సమస్త సృష్టిని ఆరు దినములలో పూర్తి చేశాడు అని చూపుట. ఇంత గొప్ప సృష్టిని చేసిన దేవుడు ఎంత జ్ఞానము, శక్తి గలవాడో వివరించుట.

దేవుని సృష్టిలో అతి ముఖ్యమైనది మానవ సృష్టి అని చూపుట. దేవుడు ఆదాము యొక్క అవసరాన్ని గుర్తించి సాటి అయిన సహాయముగా హవ్వను ఇచ్చుట. మన అవసరాలు కూడా దేవునికి తెలుసు అని బోధించుట.

ఆరు దినములలో సృష్టిని సంపూర్తి చేసిన దేవుడు ఏడవ దినమున విశ్రాంతి తీసికొనవలెనని మాదిరి చూపించారు అని బోధించుట.

పాపము మొదట ఈ లోకములోనికి ఎలా ప్రవేశించింది చూపుట. సాతాను ఇప్పటికి కూడా అబద్ధాలు చెప్తూ మనుష్యులు దేవునిమాట వినకుండా చేస్తున్నాడు అని తెలుపుట.

ఆదాము హవ్వలు చేసిన పాపన్నిబట్టి ప్రపంచము ఎదుర్కొంటున్న బాధలు, కష్టాలు గురించి బోధించుట.

ప్రభువైన యేసు నందు విశ్వాసము కలిగి సరియైన మార్గములో దేవుని దగ్గరకు వచ్చిన యెడల ఆయన మనలను అంగీకరిస్తాడు అని బోధించుట.

మనుష్యులు ఇప్పటికి కూడా నోవహు దినములలో వలె ఉన్నారు అని చూపుట. రాబోవుచున్న దేవుని తీర్పు దినమును గురించి వినుటకు ఇష్టపడని వారు అనేక మంది ఉన్నారు అని గుర్తు చేయుట.

దేవుని యందు విశ్వాసముంచుట వలన నోవహు, అతని కుటుంబము ఓడలో సురక్షితంగా ఉన్న విధముగానే, మనము కూడా ప్రభువైన యేసునందు విశ్వాసముంచిన యెడల దేవుని ఉగ్రతను తప్పించుకుంటాము అని చూపుట.

జలప్రళయము నుండి నోవహును కాపాడిన ప్రభువు నమ్మదగినవాడు, వాగ్దానములు నెరవేర్చువాడు అని బోధించుట.

దేవుని శక్తి అన్నిటికంటె గొప్పది అనియు మరియు మానవుని గర్వఫు ఆలోచనలను ఆయన నశింపచేస్తాడు అనియు బోధించుట.