1 కొరింథీ 14:33-35; 1 తిమోతి 2:11-12 చదవగానే 'స్త్రీలు ఏ కారణం చేతనైననూ, ఎప్పటికీ, సంఘంలో మాట్లాడకూడదని చెప్తున్నాడా పౌలు?' అన్న సందేహం కలుగుతుంది. సందర్భానుసారంగా ఈ వాక్యభాగాలను జాగ్రత్తగా అర్థం చేసుకోవడం కోసం ఈ వ్యాసాన్ని చదవండి.

ఏదైనా ఒక వస్తువును కానీ, పదార్ధాన్ని కానీ ఒక పేరుతో మనం పిలవాలంటే, అది మొదటిగా పిలవబడ్డప్పుడు కలిగిఉన్న లక్షణాలనే కలిగియుండాలి. ఉదాహరణకు, క్రీ. పూ. 4000 సంవత్సరాల క్రితం తూర్పు ఐరోపా ప్రాంతంలో ఒక విచిత్రమైన మెరుస్తున్న లోహాన్ని కనుకగొన్నారు, దానికి బంగారం అని పేరు పెట్టారు. అలాంటి లోహం ఆ తర్వాత ప్రపంచంలో ఎక్కడ కనబడ్డా దానిని బంగారం అనే పిలుస్తారు. అదేవిధంగా దేవుడు అపొస్తలుల ద్వారా ఒక సంఘాన్ని స్థాపించి (మత్తయి 16:18) , దానిని దేవుని సంఘం అని పిలిచాడు. మానవ పాప విమోచన కొరకు జగత్తు పునాది వేయబడక ముందే దేవుడు క్రీస్తు ద్వారా ప్రణాళికను సిద్ధపరచి, ఆ ప్రణాళికను సుమారు 2000 సంవత్సరాల క్రితం యేసుక్రీస్తు ద్వారా నెరవేర్చాడు.....

క్రీస్తు తన ప్రజల కొరకు ఒక 'గృహాన్ని' లేక కుటుంబాన్ని తయారుచేసాడు. ఇలాంటి అద్భుతమైన దైవజ్ఞానం గురించి ఈ పేజీలలో రాయబడింది. ఇది మనమంతా ప్రభువు యొక్క పరిచర్యలో ఎదగడానికి ఉపయోగపడే అద్భుతకరమైన అంశం, అంతమాత్రమే కాకుండా, మన ఆత్మీయ జీవితాలకు చాలా అవసరమైనది మరియు ఆశీర్వాదానికి కారణమైనది కూడా. ఈ అంశం ఒకదానికొకటి సరిగ్గా అతికేటట్టు మనకు చక్కగా అర్థమవ్వడానికి అద్భుతమైన సాదృశ్యాలతో, ఉదాహరణలతో వివరించబడింది. ఒక విశ్వాసి ప్రభువుతో సన్నిహితంగా నడవడం తెలుసుకున్న తర్వాత విశ్వాససంబంధమైన మూలపాఠాలను అర్థం చేసుకున్న తరువాత 'సంఘ సభ్యత్వం' అనే అంశం ఆ విశ్వాసి జీవితంలో అత్యంత ప్రాముఖ్యమైంది.

దేవుడు తన స్వరక్తమిచ్చి కొన్న సంఘంలో ఎవర్ని సంఘపెద్ద అంటారు? ఆయనను ఎవరు నియమిస్తారు? సంఘపెద్ద, అధ్యక్షుడు, పాస్టర్ ఒక్కరేనా? ఒకవేళ సంఘపెద్ద పాపం చేస్తే, సంఘసభ్యులు ఏం చేయాలి? పాపమందు పట్టబడిన పాస్టర్ గారిని చర్చి సభ్యులు సంఘబహిష్కరణ చేస్తే, సంఘాన్ని ఎవరు నడిపిస్తారు? సంఘంలో ఇద్దరు, ముగ్గురు వ్యక్తులు పాస్టర్లుగా సేవ చేయడానికి అవకాశముందా? సామాజికంగా పని చేస్తూ ప్రభువు పరిచర్యను కూడా చేయవచ్చా? మొదలైన అంశాలను లేఖనాల వెలుగులో ఈ చిన్ని పుస్తకంలో చర్చించడం జరిగింది.

నాయకత్వం గురించి రాసిన గ్రంథాలతో పుస్తకాల షాపులు నిండిపోతున్నాయి. అందులో చాలా గ్రంథాలు ఆత్మీయ నాయకులకు అత్యంత అపాయకరమైన చెడు సలహాలనందిస్తున్నాయి.

ఉత్తమ ఫలితాలను పొందడానికీ, తమ పలుకుబడిని పెంచుకోవడానికీ, శక్తివంతమైన వ్యక్తిననిపించుకోవడానికి, తిరుగులేని అవకాశం కోసం తగిన పన్నాగాలకూ ఎత్తుగడలకూ నేటి కార్పోరేట్ నాయకులు లౌకిక నాయకులు ప్రాధాన్యతనిస్తున్నారు.

సెలబ్రిటీలను, సైనికాధికారులనే నాయకత్వానికి ఉత్తమమైన మాదిరిగా భావించి వారి జీవితానుభవాలనుంచే నాయకత్వ నియమాలకు అవసరమైన ఉదాహరణల్నీ, వివరణల్నీ ఇస్తున్నారు. ప్రభుత్వాన్నీ, పలుకుబడినీ, ఇహపరమైన విజయాలను సాధించి, అధికారాన్ని ప్రదర్శించి, డంబంగా జీవించడమే నాయకత్వం గురించి నేటి సమాజానికి ఉన్న అభిప్రాయం. నాయకునికున్న గుర్తింపు అసమానమైనది కనుక, చాలా యుక్తిగా ప్రజల్ని బెదిరించి, వారిపై తమ అధికారాన్ని పెంచుకోవడానికి అత్యంత అధునాతనమైన వేషధారణనూ హావభావాలనూ ఎలా సంపూర్ణం చేసుకోవాలో తెలియచేసే గ్రంథాలు చాలా ఉన్నాయి.