కె విద్యా సాగర్

యెహోవా దేవుడు తన నైతిక స్వభావానికి విరుద్ధంగా పాపం చేసేలా ఆయనే ప్రజలకు అవకాశం లేక అనుమతిని కల్పించాడనే హేయమైన బోధకు సమాధానమే ఈ వ్యాసం.‌ గమనిక: ఈ వ్యాసం పూర్తిగా చదవకుండా అపార్థం చేసుకోవడం కానీ తీర్పు తీర్చడం కానీ చెయ్యవద్దని విజ్ఞప్తి. ఇది చదువుతుండగా ప్రారంభం‌ నుండే మీకు కొన్ని ప్రశ్నలు తలెత్తుతాయి.‌ వ్యాసం పూర్తయ్యేసరికి వాటన్నిటికీ సమాధానం లభిస్తుంది.

బైబిల్లో అశ్లీలత ఉందని మతోన్మాదులు ఆరోపించే అన్ని వాక్యభాగాలూ ఒకొక్కటిగా క్రమంగా ఈ పుస్తకంలో పరిగణలోకి తీసుకోబడ్డాయి. ఇందులో ప్రస్తావించబడిన 15 సందర్భాలనే వారు తిప్పి తిప్పి బైబిల్ పైన మళ్ళీ మళ్ళీ ప్రయోగిస్తుంటారు. ఎందుకంటే ఆరోపించడానికి వాటికి మించి వారిదగ్గర మరేదీ ఉండదు కాబట్టి. అయితే వారు లేవనెత్తే అభ్యంతరాలేవీ ఆ సందర్భాలకు పొసగవని నిరూపించడమే కాకుండా అసలు అశ్లీలత, అనైతికత అంతా వారి మతగ్రంథాలలోనే ఉందని వారి దేవుళ్ళ చరిత్రల నుండే ఆధారాలతో నిరూపించడమైంది. ఎప్పుడూ బూతులే చదివే మతోన్మాదుల పచ్చకామర్ల కళ్ళకు ఎక్కడ చూసినా బూతులే కనబడతాయి మరి. ఈ పుస్తకం ప్రతీ క్రైస్తవుని చేతిలో ఒక ఆయుధంగా ఉండి‌ తన విశ్వాసాన్ని కాపాడే డాలుగా మాత్రమే కాకుండా ప్రశ్నించే ప్రతీ మతోన్మాది విశ్వాస పునాదులను చిన్నాభిన్నం చేసే ఖడ్గంగా కూడా ఉండేలా దేవుడు ఆశీర్వదించును గాక! చదవండి, చదివించండి.

జి. బిబు LLM, Hithabodha Network

దేవుని ప్రజలందరూ ఆయన మనస్సు‌ కలిగియుండాలని ఆజ్ఞాపించబడుతున్నారు (ఫిలిప్పీ 2:5). నిజంగా ఆయన మనస్సు కలిగియుంటే మన ప్రవర్తన ఎలా ఉంటుందో ఫీనెహాసు అనే భక్తుడి ప్రవర్తనను ఆధారంగా చేసుకుని ఆ దిశగా ప్రేరేపించేదే ఈ చిరు వ్యాసం.

కొందరు మెల్కీసెదకు గురించి హెబ్రీపత్రికలో రాయబడిన మాటలను అపార్థం చేసుకుని యేసుక్రీస్తే మెల్కీసెదకని భావిస్తుంటారు. కానీ అది అవాస్తవం. అందుకే హెబ్రీపత్రికలో అతని గురించి రాయబడిన మాటలకు అర్థం ఏంటో సందర్భానుసారంగా వివరిస్తూ ఈ వ్యాసం రాయబడింది.

గెత్సెమనే తోటలో యేసుక్రీస్తు ప్రార్థిస్తున్నప్పుడు చెమటతో పాటు రక్తబిందువులు కూడా ఎందుకు కారాయి? సైనికుడు ఆయనను బల్లెంతో పొడిచినప్పుడు రక్తంతో పాటు నీరు కూడా ఎందుకు కారింది? నిజ దేవునిపిల్లలకు దేవునితో యెడబాటు అంటే ఎలాంటి వేదన ఉంటుందో ఆ యెడబాటుకు గురిచేసే పాపం పట్ల ఎలాంటి వైఖరి ఉంటుందో తెలియచేసేదే ఈ వ్యాసం.

నేటి విశ్వాసులు చాలామందికి తమ రక్షణ విషయంలో దేవుని సంకల్పానుసారమైన నిర్ణయం గురించి తెలియకపోవడం వల్ల ఆ రక్షణ విషయంలో చాలా అనిశ్చితి కలిగియుంటున్నారు. వారి రక్షణకు కారణమేంటో వారికి తెలియకపోవడమే దీనికి కారణం. అందుకే మన రక్షణకు కారణమేంటో మనం తప్పకుండా తెలుసుకోవాలి. ఈ వ్యాసం చదవండి. ఇందులో విశ్వాసి తన రక్షణను కోల్పోగలడా? యేసుక్రీస్తు తన ప్రాణం పెట్టింది ఎవరికోసం? అనేవాటితో పాటు మరికొన్ని విషయాలను కూడా వివరించడం జరిగింది.

ప్రస్తుతం సంఘం రాజీపడిపోయిన అనేక పాపాలలో సినిమాలు చూడడం కూడా ఒకటిగా మనకు కనిపిస్తుంది. కొందరు ప్రముఖ బోధకులు కూడా దీనికి ప్రధాన కారణం. అందుకే వాక్యపు వెలుగులో మనం ఎలాంటి చిత్రీకరణలు చూడవచ్చో ఎలాంటివి చూడకూడదో ప్రశ్నా జవాబులతో సహా వివరిస్తూ ఈ వ్యాసం రాసాను. వాక్యాన్ని ప్రేమించేవారంతా ఈ సత్యాన్ని గమనించి, దాని ప్రకారంగా నడుచుకోవాలని మనస్పూర్తిగా కోరుకుంటున్నాను.

29-9-2020 గురువారం, మన దేశ సర్వోన్నత న్యాయస్థానమైన సుప్రీం కోర్టు అబార్షన్ "స్త్రీల హక్కు" అంటూ తీర్పు ఇవ్వడం జరిగింది. అయితే ఒక క్రైస్తవుడిగా ఈ తీర్పు గురించి ఆలోచించినప్పుడు నైతికపరమైన సమస్యలెన్నో ఇందులో ఉన్నాయి, ఈ తీర్పు తప్పకుండా మన సమాజంపై తీవ్రమైన దుష్ప్రభావాలను చూపబోతుంది. అందుకే అ తీర్పులో ఉన్న నైతిక సమస్యలేంటో అది సమాజంపై ఎటువంటి దుష్ప్రభావాలను చూపిస్తుందో అన్ని కోణాలనుంచీ వివరిస్తూ విశ్వాసులు దీనిపై ఎలాంటి దృక్పథాన్ని కలిగియుండాలో వాక్యానుసారంగా వివరించడానికి ఈ వ్యాసం రచించడం జరిగింది  (ప్రశ్న&జవాబులతో సహా).

క్రైస్తవ సంఘంలో ఈ పది ఆజ్ఞల గురించి తెలియనివారు ఎవరూ ఉండరు. చాలామంది విశ్వాసుల ఇంటి గోడలపై కూడా ఈ పది ఆజ్ఞలూ మనకు దర్శనమిస్తుంటాయి. కానీ వీటి ఉద్దేశం, భావం మాత్రం చాలామందికి తెలియదనే ఒప్పుకోవాలి. అందుకే ఈ పది ఆజ్ఞల ఉద్దేశాన్నీ భావాన్నీ క్లుప్తంగా వివరిస్తూ ఈ పుస్తకం రాయబడింది.

జీవరాశుల సృష్టి వెనుక సృష్టికర్తయైన దేవుడు లేడని వాదించే "నాస్తికులు" దానికి ప్రాముఖ్యమైన ఆధారంగా ప్రస్తావిస్తున్న "డార్విన్ జీవపరిణామ సిద్ధాంతం" ఎంతవరకూ వాస్తవం? డార్విన్ ఎలాంటి పరీక్షల ఆధారంగా ఈ సిద్ధాంతాన్ని ప్రతిపాదించాడు. సైన్స్ పరంగానైనా  ఈ సిద్ధాంతం పూర్తి సత్యమని రుజువైందా? ఈ విషయాలన్నీ వివరంగా తెలుసుకోవడానికి ఈ వ్యాసం చదవండి.

LGBTQ+ అంటే ఎవరు? వీరు అలా మారడానికి కారణాలేంటి? బైబిల్ వీరిపట్ల ఎలా వ్యవహరిస్తుంది, అలానే బైబిల్ ప్రకారం ఈ సృష్టిలో లింగాలు ఎన్ని? ఈవిషయాలు తెలుసుకోవడానికి ఈ వ్యాసం చదవండి. ప్రస్తుతం ఇది క్రైస్తవయువత బాగా తెలుసుకుని అప్రమత్తమవ్వవలసిన ప్రధానఅంశం

హిందూ మతోన్మాదులు తమదైన వక్రీకరణలతో "యెహోవా దేవుడు నరబలులను స్వీకరించేవాడని" చేస్తున్న ఆరోపణకు సమాధానమే ఈ వ్యాసం. ఇందులో యెఫ్తా కుమార్తె నిజంగానే బలి అర్పించబడిందా అనే వాస్తవంతో పాటు, వక్రీకరించబడుతున్న "మనుష్యులలో గాని జంతువులలోగాని....మనుష్యులు ప్రతిష్ఠించు వాటిలో దేనినైనను విడిపింపక హతము చేయవలెను" (లేవీకాండము 27:28,29) అనే వాక్యభాగానికి కూడా వివరణ ఇవ్వడం జరిగింది.

కొందరు బైబిల్ విమర్శకులు; బైబిల్ దేవుడు ఇశ్రాయేలీయుల చేత కనానీయులను సంహరింపచేసి వారి దేశాన్ని దురాక్రమణ చేయించాడని, అది చాలా అన్యాయం అన్నట్టుగా ఆరోపిస్తుంటారు. అందుకే కనానీయులు పాటించిన సంస్కృతులు ఏంటో ఆయన వారిని ఎందుకు సంహరింపచేసాడో వివరిస్తూ ఈ వ్యాసం రాసాను. ఇందులో "హ్యూమనిస్టులుగా" పిలువబడుతున్నవారి భాగోతం కూడా బయటపెట్టే ప్రయత్నం చేసాను.

బైబిల్ దేవునికి స్త్రీలపై వివక్ష ఉందంటూ స్త్రీవాదులు ఆరోపిస్తున్న మరికొన్ని సందర్భాలకు సమాధానమే ఈ వ్యాసం. ఇందులో మోషే ధర్మశాస్త్రం ప్రకారం; రుతుస్రావం ఎందుకు అపవిత్రమో బిడ్డను కన్నతల్లి కడగా ఉండవలసిన‌ కాలంలో మగపిల్లాడికి 33 రోజులు ఆడపిల్లకు 66 రోజూలు ఈ బేధం ఎందుకో స్త్రీ సంఘంలో మౌనంగా ఎందుకు ఉండాలో వివరించడం జరిగింది.

"దుర్భోధను ఖండించుచునుండుము" (తీతుకు 2:15), పరిశుద్ధులకు ఒక్కసారే అప్పగింపబడిన బోధ నిమిత్తము మీరు పోరాడవలెను ఏలయనగా కొందరు రహస్యముగా జొరబడియున్నారు" (యూదా 1:3,4) అనే ప్రభువు ఆజ్ఞలను బట్టి మేము దుర్బోధలను ఖండిస్తున్నప్పుడు కొందరు మేము చెబుతున్న విషయం వదిలేసి మాపై అనవసరపు విమర్శలకు తెగబడుతున్నారు‌. అలాంటి విమర్శలకు సమాధానమే ఈ వ్యాసం.

ఈమధ్యకాలంలో వాక్యపు అవగాహన లేని కొన్ని‌ గుంపులు బయలుదేరి దేవుని సార్వభౌమత్వాన్ని చాటిచెప్పే బోధ (calvinism) ప్రకారం దేవుడే పాపానికి కర్త ఔతున్నాడని బురదచల్లడం ప్రారంభించారు. అందుకే దేవుణ్ణి పాపానికి కర్తగా చూపిస్తుంది దేవుని సార్వభౌమత్వాన్ని ప్రకటించేవారా లేక మానవ స్వేచ్చా సిద్ధాంతం (Free will) ను ప్రకటించేవారా అనేది వాక్యానుసారంగా వివరిస్తూ ఈ వ్యాసం రాయడం‌ జరిగింది. చదివి సత్యమేంటో మీరే అర్థం చేసుకోండి.

"నిర్గమకాండము 12:40లో" చెప్పబడుతున్న 430 సంవత్సరాలు ఇశ్రాయేలీయులు ఐగుప్తులో నివశించిన కాలం గురించే చెప్పబడుతున్నాయా? ఐగుప్తులో ప్రవేశించిన యాకోబు కుమారుల దగ్గరనుండి మోషే వయస్సు వరకూ దానిని నిర్ధారించగలమా? "Masoretic" వ్రాతప్రతిలో అక్కడ జరిగిన పొరపాటు ఏంటి? దేవుడు ప్రమాణం చేసినట్టుగా అబ్రాహాము నాలుగవ తరం కనానును స్వాధీనం చేసుకుందా? ఈ విషయాలన్నీ వివరంగా తెలుసుకోవడానికి ఈ వ్యాసం చదవండి.

ఆదికాండము 16వ అధ్యాయం నుండి యెహోవా దూతగా పిలువబడే ఒక దూత మనకు పరిచయం చెయ్యబడతారు‌. ఆయనను చాలామంది సాధారణమైన దేవదూతగా భావిస్తుంటారు కానీ ఆయన అలాంటి దేవదూత కాదు. ఆయన ఎవరో తెలుసుకోవడానికి ఈ వ్యాసం చదవండి. ఇందులో పాతనిబంధన భక్తులెవరూ తండ్రియైన యెహోవాను చూడలేదా? నూతన నిబంధనలో చూడలేదని ఎందుకు రాయబడింది? ధర్మశాస్త్రం దేవదూతల ద్వారా అనుగ్రహించబడిందా? ఆ మాటలకు అర్థం ఏమిటి? అనేవాటిని కూడా వివరించడం జరిగింది. 

"నా యజమానుడు మ్రొక్కుటకు రిమ్మోను గుడిలో చొచ్చి నా చేతి మీద ఆనుకొనునప్పుడు, నేను రిమ్మోను గుడిలో నమస్కారము చేసినయెడల, రిమ్మోను గుడిలో నేను నమస్కారము చేసిన సంగతిని గూర్చి యెహోవా నీ దాసుడనైన నన్ను క్షమించునుగాక" అంటూ విగ్రహారాధన విషయంలో నయమాను కోరిన అనుమతికి "నెమ్మదిగలిగి పొమ్మని" ఎలీషా పలికిన మాటలను లేఖనాల వెలుగులో అర్థం చేసుకోకుండా క్రైస్తవులు తప్పనిసరి పరిస్థితుల్లో విగ్రహారాధన చెయ్యవచ్చన్నట్టుగా బోధిస్తున్న దుర్బోధకుడికి సమాధానమే ఈ వ్యాసం.