విషయసూచిక

1. రుతుస్రావం అపవిత్రమా
2. స్త్రీ సంఘంలో మౌనంగా ఎందుకుండాలి? పురుషుడిపై అధికారం ఎందుకు చలాయించకూడదు?
3. మగపిల్లాడు పుడితే 33 రోజుల అపవిత్రత, ఆడపిల్ల పుడితే 66 రోజుల అపవిత్రత ఈ భేదం ఎందుకు?

బైబిల్ దేవుడు స్త్రీలపై వివక్ష చూపించాడనేందుకు ఆధారంగా కొందరు స్త్రీవాదులూ మరియు బైబిల్ విమర్శకులు మోషే ధర్మశాస్త్రం నుండి వక్రీకరిస్తున్న శీలపరీక్ష పద్ధతిని వివరిస్తూ గతంలో నేనో వ్యాసాన్ని రాయడం జరిగింది.    

స్త్రీకి శీలపరీక్ష బైబిల్ దేవుని వివక్షేనా?

ఈ వ్యాసంలో కూడా బైబిల్ దేవుడు స్త్రీలపై వివక్ష చూపించాడనేందుకు వారు ఆధారాలుగా ప్రస్తావిస్తున్నటువంటి మరికొన్ని సందర్భాలకు వివరణ ఇవ్వడం ద్వారా వారి అక్రమపు ఆరోపణలను నిర్వీర్యం చెయ్యబోతున్నాను.

1. రుతుస్రావం అపవిత్రమా

ఆధునిక ప్రపంచం అభివృద్ధి చెందాక స్త్రీలను రుతుస్రావం సమయంలో అసహ్యభావంతో చూస్తున్నారని, కొన్ని మతగ్రంథాల ఆధారంగా వారిని ఆ సయయంలో దారుణమైన వెలివేతకు గురిచేస్తున్నారని, ఇది లింగవివక్షలో భాగమేయని పెద్ద వివాదమే చెలరేగింది.

ఈ భూమిపై ఒక జీవానికి జన్మనిచ్చే పక్రియలో భాగంగా స్త్రీకి దేవుడు పెట్టిన రుతుస్రావాన్ని బట్టి ఆ సమయంలో ఆమెను‌ అసహ్యించుకోవడం నిజంగా దారుణమైన విషయమేనని మానవత్వం కలిగిన ఎవరైనా ఒప్పుకోక తప్పదు. అయితే అదే సమయంలో దీనిపై పోరాటం చేస్తున్న స్త్రీవాదులు ఆ రుతుస్రావంపై అతిగా ప్రవర్తిస్తున్నారని కూడా ఒప్పుకోవలసిందే. దానికి‌ మంచి నిదర్శనమే వారికి మొదటిసారి రుతుస్రావం ఎలా జరిగిందో పేపర్లలో టీవీలలో గొప్పగా వివరించడం. ఒక విషయాన్ని‌ చులకనగా చూడడం, లేదా అతిగా చూడడం, రెండింటిలోనూ లో‌పం‌ ఉందని నేను‌ కొత్తగా చెప్పనవసరం లేదు‌.

ఈ క్రమంలో వారు బైబిల్ లో కూడా రుతుస్రావం అపవిత్రమైనదనీ ఆ సమయంలో వారిని వెలివెయ్యాలనీ రాయబడిందంటూ బైబిల్ దేవుడిని స్త్రీలపై వివక్ష చూపించినవాడిగా విమర్శించే ప్రయత్నం చేస్తున్నారు. దానికి ఆధారంగా మోషే ధర్మశాస్త్రం నుండి ఈ క్రింది మాటలను ఉదహరిస్తుంటారు.

లేవీయకాండము 15:19-23 స్త్రీ దేహమందుండు స్రావము రక్తస్రావమైనయెడల ఆమె యేడు దినములు కడగా ఉండవలెను. ఆమెను ముట్టువారందరు సాయంకాలమువరకు అపవిత్రులగుదురు. ఆమె కడగా ఉన్నప్పుడు ఆమె దేనిమీద పండుకొనునో అది అపవిత్రమగును; ఆమె దేనిమీద కూర్చుండునో అది అపవిత్రమగును. ఆమె పడకను ముట్టు ప్రతివాడు తన బట్టలు ఉదుకుకొని నీళ్లతో స్నానముచేసి సాయంకాలము వరకు అపవిత్రుడైయుండును. ఆమె దేని మీద కూర్చుండునో దాని ముట్టు ప్రతివాడు తన బట్టలు ఉదుకుకొని నీళ్లతో స్నానము చేసి సాయంకాలము వరకు అపవిత్రుడైయుండును. అది ఆమె పరుపుమీదనైనను ఆమె కూర్చుండిన దానిమీదనైనను ఉండినయెడల దానిని ముట్టువాడు సాయంకాలము వరకు అపవిత్రుడైయుండును.

ఈ సందర్భంలో‌ వారు చెబుతున్నట్టుగానే రుతుస్రావం సమయంలో స్త్రీ అపవిత్రమైనదిగానూ ఆమె మాత్రమే కాదు ఆమె‌ తాకే ప్రతీదీ కూడా అపవిత్రమౌతుంద‌ని చెప్పబడడం వాస్తవమే. అయితే ఇక్కడ చెప్పబడుతున్న అపవిత్రత దేనికి సంబంధించిందో చూసేముందు దీనికీ లింగ వివక్షకూ ఏమైనా సంబంధం ఉందా అనేది మొదటిగా పరిశీలిద్దాం.

లేవీయకాండము 15:2-7 మీరు ఇశ్రాయేలీయులతో ఇట్లనుడి ఒకని దేహమందు స్రావమున్నయెడల ఆ స్రావము వలన వాడు అపవిత్రుడగును. వాని స్రావము కారినను కారకపోయినను ఆ దేహస్థితినిబట్టి వాడు అపవిత్రుడగును. ఆ స్రావముగలవాడు పండుకొను ప్రతి పరుపు అపవిత్రము; వాడు కూర్చుండు ప్రతి వస్తువు అపవిత్రము. వాని పరుపును ముట్టువాడు తన బట్టలు ఉదుకుకొని నీళ్లతో స్నానముచేసి సాయంకాలము వరకు అపవిత్రుడైయుండును. అట్టివాడు దేని మీద కూర్చుండునో దాని మీద కూర్చుండువాడు తన బట్టలు ఉదుకుకొని నీళ్లతో స్నానముచేసి సాయంకాలము వరకు అపవిత్రుడైయుండును. స్రావముగల వాని దేహమును ముట్టువాడు తన బట్టలు ఉదుకుకొని నీళ్లతో స్నానముచేసి సాయంకాలము వరకు అపవిత్రుడై యుండును.

ఈ వాక్యభాగం స్త్రీల రుతుస్రావం గురించి రాయబడిన అదే అధ్యాయపు ప్రారంభంలో రాయబడ్డాయి. రుతుస్రావం గురించి రాయబడినట్టుగానే ఇక్కడ కూడా స్రావము గలవాడు అపవిత్రుడనీ అతను ఆ స్రావంతో ఉన్న దినాలలో ఏది ముట్టుకున్నా అది కూడా అపవిత్రమౌతుందనీ రాయబడింది. అంటే దేవుడు ఇక్కడ స్రావం‌ కలిగిన పురుషులపై కూడా వివక్ష‌ చూపిస్తున్నాడా? ఒకవేళ ఇది రోగం కదా దీనిని రుతుస్రావానికి ఆపాదించలేమని ఎవరైనా వాదిస్తే ఈ వాక్యభాగం కూడా చూడండి -

లేవీయకాండము 15:16-18 ఒకనికి వీర్యస్ఖలనమైన యెడల వాడు సర్వాంగ స్నానము చేసికొని సాయంకాలము వరకు అపవిత్రుడై యుండును. ఏ బట్టమీదను ఏ తోలుమీదను వీర్యస్ఖలనమగునో ఆ బట్టయు ఆ తోలును నీళ్లతో ఉదుకబడి సాయంకాలము వరకు అపవిత్రమై యుండును. వీర్యస్ఖలనమగునట్లు స్త్రీ పురుషులు శయనించినయెడల వారిద్దరు నీళ్లతో స్నానము చేసి సాయంకాలము వరకు అపవిత్రులై యుందురు.

ఒకరికి జన్మనిచ్చే ప్రక్రియలో భాగమైన రుతుస్రావాన్ని అపవిత్రంగా చూడడం స్త్రీపై వివక్షే అని, అలా బైబిల్ దేవుడు కూడా చేసాడని విమర్శించేవారు ఈ సందర్భం చదివితే ఇక్కడ స్త్రీ ఒకరికి జన్మనివ్వడానికి మూలమైన వీర్యాన్ని కూడా ఆయన అపవిత్రంగానే చెప్పడం జరిగింది. అంటే ఇక్కడ బైబిల్ దేవుడు పురుషులపై కూడా వివక్ష చూపించాడా?

మోషే ధర్మశాస్త్రంలో అటు రుతుస్రావం, ఇటు వీర్యం రెండూ కూడా అపవిత్రమేయని రాయబడినప్పుడు అది వివక్షే ఐతే ‌బైబిల్ దేవుడు స్త్రీ పురుషులు ఇద్దరిపైనా వివక్ష చూపించినట్టేగా? ఇక ఆయన స్త్రీలపై మాత్రమే వివక్ష చూపించినట్టుగా స్త్రీవాదులు చేస్తున్న హడావుడికి ఇక్కడ తావెక్కడుంది?

ప్రతీదానినీ వివక్షతో ముడిపెట్టి హడావుడి చేస్తున్న స్త్రీవాదులు కాస్త స్వచ్ఛమైన బుద్ధిని ఉపయోగించి ఈ సందర్భాలు చదివితే ఇక్కడ‌ చెప్పబడుతున్న అపవిత్రత, శారీరక పరిశుభ్రతకు సంబంధించిందే తప్ప వ్యక్తిత్వపరమైనది కాదని‌ స్పష్టంగా అర్థమౌతుంది. ఉదాహరణకు; రుతుస్రావం సమయంలో స్త్రీలు కొంచెం బలహీనంగా ఉంటారు. ఔనా కదా?  అది ఏ విధమైన బలహీనత? శారీరకమైనదా లేక వ్యక్తిత్వపరమైనదా? శారీరకమైనదే కదా! ఈ మాటలు చూడండి -

లేవీయకాండము 15:32,33 స్రావముగలవాని గూర్చియు, వీర్యస్ఖలనమువలని అప విత్రతగలవాని గూర్చియు, 'కడగానున్న బలహీనురాలిని గూర్చియు', స్రావముగల స్త్రీ పురుషులను గూర్చియు, అపవిత్రురాలితో శయనించువాని గూర్చియు విధింపబడినది ఇదే.

స్త్రీ రుతుస్రావం సమయంలో అపవిత్రురాలని‌ చెప్పబడిన అదే సందర్భంలో ఇక్కడ ఆమె బలహీనురాలని కూడా చెప్పబడింది కాబట్టి ఆ అపవిత్రత శరీరసంబంధమైనదే. అందుకే శారీరకంగా అపవిత్రురాలైన, మరియు బలహీనురాలైన ఆ స్త్రీలపై జరిగే అత్యాచారాలను బైబిల్ దేవుడు మరింత తీవ్రమైనవిగా పరిగణించాడు.

యెహేజ్కేలు 22:10
అశుచియై బహిష్టియైన స్త్రీని చెరుపువారు నీలో కాపురమున్నారు.

అలానే భర్తలకు కూడా ఆ విషయంలో ఖండితంగా ఆజ్ఞాపించాడు

లేవీయకాండము 18:19
అపవిత్రతవలన స్త్రీ కడగా ఉండునప్పుడు ఆమె మానాచ్ఛాదనమును తీయుటకు ఆమెను సమీపింపకూడదు.

ఆయనకు వారిపై వివక్షే ఉంటే ఇలా మాట్లాడేవాడా?

‌మరో ఉదాహరణ చూడండి -

2 సమూయేలు 11: 4 దావీదు దూతలచేత ఆమెనుపిలువనంపెను. ఆమె అతని యొద్దకు రాగా అతడు ఆమెతో శయనించెను; కలిగిన అపవిత్రత పోగొట్టుకొని ఆమె తన యింటికి మరల వచ్చెను.

ఈ సందర్భంలో దావీదు బత్షబతో శయనించాక ఆమె‌ తనకు కలిగిన అపవిత్రతను పోగొట్టుకుందని రాయబడింది. అది ఏ అపవిత్రతో నేను‌ వివరంగా చెప్పవలసిన అవసరం లేదనుకుంటా! కాబట్టి అపవిత్రత అనగానే ప్రతీసారీ దానిని వ్యక్తిత్వపరమైనదిగా భావించకూడదు.

ఈరోజు వ్యక్తిగత శభ్రతకు సంబంధించిన‌ ఎన్నెన్నో‌ సాధనాలు మనకు అందుబాటులో ఉన్నాయి, కానీ ఆ కాలంలో‌ ఇవి అంత స్థాయిలో‌ లేవు. తన ప్రజలు వ్యక్తిగత శుభ్రత విషయంలో నిష్ఠగా లేకపోతే వారు, వారి కుటుంబాలు రోగాల‌ బారిన పడే అవకాశం ఉంది కాబట్టి దేవుడు ఇలాంటి ఆచారాలను వారికి (ఇశ్రాయేలీయులకు) నియమించాడు. వాటికి ఇది మొదటి కారణం.

బైబిల్ దేవుడు రుతుస్రావం వచ్చిన స్త్రీలపై వివక్ష చూపించాడు అంటున్న స్త్రీవాదులు, రుతుస్రావం శారీరకంగా అపవిత్రమైనదో కాదో వారే చెప్పాలి. ఈమధ్య కొందరు మన శరీరంలో ఒకచోట కోస్తే స్వచ్ఛంగా వచ్చే రక్తానికీ స్త్రీలకు రుతుస్రావంలో వచ్చే రక్తానికీ ఏ తేడా ఉండదని చెబుతున్నారు (కొంచెం తేడా ఉంది). ఒకవేళ ఈ వాదన తీసుకున్నప్పటికీ మనం చూసిన సందర్భాలలో స్వచ్ఛంగా విడుదలయ్యే వీర్యాన్ని కూడా దేవుడు అపవిత్రంగానే చెప్పాడు. ఎందుకంటే శరీరం నుండి బయటకు స్వచ్ఛంగా వచ్చిన రక్తమైనా వీర్యమైనా కొంచెం సేపటికే పాడౌపోతాయి. అలాంటిది గాలి చొరబడని ప్రదేశంలో విడుదలయ్యే రక్తం ఇంకెంతగా కలుషితమౌతుందో (చెడుగా మారుతుందో) ఆ అనుభవం ఉన్నవారికి బాగానే అర్థమౌతుంది. ఆ సమయంలో పరిశుభ్రతను పాటించకపోతే ఎలాంటి రోగాలు సంక్రమిస్తాయో ఎవరైనా మంచి డాక్టర్ ని అడిగి తెలుసుకోండి. లేదా google చెయ్యండి. 

ఇక ధర్మశాస్త్రం ద్వారా దేవుడు శారీరక అపవిత్రత విషయంలో‌ అలాంటి ఆచారాలు నియమించడానికి రెండవ కారణం: మోషే ధర్మశాస్త్రంలో‌ ఆయన ఇశ్రాయేలీయులకు నియమించిన ఆచార సంబంధమైన ఆజ్ఞలన్నీ నూతననిబంధన విశ్వాసులకు‌ ఛాయగా ఉన్నాయి (కొలస్సీ 2:17, హెబ్రీ 10:1, 9:10). అందులో భాగంగా వారి శరీరసంబంధమైన శుభ్రత, అపవిత్రతలు కూడా నేటి విశ్వాసుల ఆత్మీయ పరిశుద్ధతకు సాదృష్యంగా నియమించబడ్డాయి. అందుకే ఆ కాలంలో శరీర సంబంధమైన అపవిత్రత కలిగినవారు పరలోకానికి సాదృష్యంగా ఉన్నటువంటి దేవుని ఆలయంలో ప్రవేశించకూడదని ఆజ్ఞాపించబడ్డారు (లేవీకాండము 12:4, 15:13,14, 15:28,29). ఎందుకంటే నేటి విశ్వాసులు ఆత్మీయ అపవిత్రతలతో పరలోకం చేరలేరు. ఈ సందర్భంలో దావీదు బత్షబతో శయనించాక ఆమె‌ తనకు కలిగిన అపవిత్రతను పోగొట్టుకుందని రాయబడింది. అది ఏ అపవిత్రతో నేను‌ వివరంగా చెప్పవలసిన అవసరం లేదనుకుంటా! కాబట్టి అపవిత్రత అనగానే ప్రతీసారీ దానిని వ్యక్తిత్వపరమైనదిగా భావించకూడదు.

ఈరోజు వ్యక్తిగత శభ్రతకు సంబంధించిన‌ ఎన్నెన్నో‌ సాధనాలు మనకు అందుబాటులో ఉన్నాయి, కానీ ఆ కాలంలో‌ ఇవి అంత స్థాయిలో‌ లేవు. తన ప్రజలు వ్యక్తిగత శుభ్రత విషయంలో నిష్ఠగా లేకపోతే వారు, వారి కుటుంబాలు రోగాల‌ బారిన పడే అవకాశం ఉంది కాబట్టి దేవుడు ఇలాంటి ఆచారాలను వారికి (ఇశ్రాయేలీయులకు) నియమించాడు. వాటికి ఇది మొదటి కారణం.

బైబిల్ దేవుడు రుతుస్రావం వచ్చిన స్త్రీలపై వివక్ష చూపించాడు అంటున్న స్త్రీవాదులు, రుతుస్రావం శారీరకంగా అపవిత్రమైనదో కాదో వారే చెప్పాలి. ఈమధ్య కొందరు మన శరీరంలో ఒకచోట కోస్తే స్వచ్ఛంగా వచ్చే రక్తానికీ స్త్రీలకు రుతుస్రావంలో వచ్చే రక్తానికీ ఏ తేడా ఉండదని చెబుతున్నారు (కొంచెం తేడా ఉంది). ఒకవేళ ఈ వాదన తీసుకున్నప్పటికీ మనం చూసిన సందర్భాలలో స్వచ్ఛంగా విడుదలయ్యే వీర్యాన్ని కూడా దేవుడు అపవిత్రంగానే చెప్పాడు. ఎందుకంటే శరీరం నుండి బయటకు స్వచ్ఛంగా వచ్చిన రక్తమైనా వీర్యమైనా కొంచెం సేపటికే పాడౌపోతాయి. అలాంటిది గాలి చొరబడని ప్రదేశంలో విడుదలయ్యే రక్తం ఇంకెంతగా కలుషితమౌతుందో (చెడుగా మారుతుందో) ఆ అనుభవం ఉన్నవారికి బాగానే అర్థమౌతుంది. ఆ సమయంలో పరిశుభ్రతను పాటించకపోతే ఎలాంటి రోగాలు సంక్రమిస్తాయో ఎవరైనా మంచి డాక్టర్ ని అడిగి తెలుసుకోండి. లేదా google చెయ్యండి. 

ఇక ధర్మశాస్త్రం ద్వారా దేవుడు శారీరక అపవిత్రత విషయంలో‌ అలాంటి ఆచారాలు నియమించడానికి రెండవ కారణం: మోషే ధర్మశాస్త్రంలో‌ ఆయన ఇశ్రాయేలీయులకు నియమించిన ఆచార సంబంధమైన ఆజ్ఞలన్నీ నూతననిబంధన విశ్వాసులకు‌ ఛాయగా ఉన్నాయి (కొలస్సీ 2:17, హెబ్రీ 10:1, 9:10). అందులో భాగంగా వారి శరీరసంబంధమైన శుభ్రత, అపవిత్రతలు కూడా నేటి విశ్వాసుల ఆత్మీయ పరిశుద్ధతకు సాదృష్యంగా నియమించబడ్డాయి. అందుకే ఆ కాలంలో శరీర సంబంధమైన అపవిత్రత కలిగినవారు పరలోకానికి సాదృష్యంగా ఉన్నటువంటి దేవుని ఆలయంలో ప్రవేశించకూడదని ఆజ్ఞాపించబడ్డారు (లేవీకాండము 12:4, 15:13,14, 15:28,29). ఎందుకంటే నేటి విశ్వాసులు ఆత్మీయ అపవిత్రతలతో పరలోకం చేరలేరు. 

హెబ్రీయులకు 10:22 మనస్సాక్షికి కల్మషము తోచకుండునట్లు ప్రోక్షింపబడిన హృదయములు గలవారమును, నిర్మలమైన ఉదకముతో స్నానము చేసిన శరీరములు గలవారమునైయుండి, విశ్వాసవిషయములో సంపూర్ణ నిశ్చయత కలిగి, యథార్థమైన హృదయముతో మనము దేవుని సన్నిధానమునకు చేరుదము.

హెబ్రీయులకు 12:14 అందరితో సమాధానమును పరిశుద్ధతయు కలిగి యుండుటకు ప్రయత్నించుడి. పరిశుద్ధతలేకుండ ఎవడును ప్రభువును చూడడు.

మరో విషయం‌ మోషే ధర్మశాస్త్రం ప్రకారం అపవిత్ర జంతు శవాలను ముట్టినవారు కూడా అపవిత్రులుగానే పరిగణించబడ్డారు (లేవీకాండము 5:2,3) దీనికి కూడా ఇప్పటివరకూ నేను వివరించిన రెండు కారణాలే కారణం.

అదేవిధంగా ఇశ్రాయేలీయులలో శారీరక అపవిత్రత కలిగినవారినీ వారి సామాగ్రినీ తాకినవారు కూడా అపవిత్రులు ఔతారనే మాటలు, ఇతరుల శారీరక కలుషితం వీరి శరీరాలకూ అంటుకోకూడదనే ఉద్దేశంతోనూ మరియు పరులపాపం (అపవిత్రత) లో పాలివారై యుండకూడదనే కట్టడకు కూడా ఛాయగా చెప్పబడ్డాయి.

1తిమోతికి 5: 22 పరుల పాపములలో పాలివాడవై యుండకుము. నీవు పవిత్రుడవుగా ఉండునట్లు చూచుకొనుము.

ధర్మశాస్త్రంలో రుతుస్రావం అపవిత్రమని రాయబడడానికి ఇది అసలు కారణం. అయితే ఇప్పటికీ కొన్ని సంఘాలలోని స్త్రీలు రుతుస్రావం సమయంలో చర్చికి హాజరుకాకపోవడం, బైబిల్ ని ముట్టుకోకపోవడం వంటిని చేస్తున్నారు. అలాంటి ఆచారాలు ఇప్పుడు పాటించవలసిన అవసరం లేదు. ఎందుకంటే నేను పైన వివరించినట్టుగా ఆ ఆచారాలన్నీ మన ఆత్మీయ పరిశుద్ధతకు ఛాయలుగా మాత్రమే అప్పుడు చెప్పబడ్డాయి. 

2. స్త్రీ సంఘంలో మౌనంగా ఎందుకుండాలి? పురుషుడిపై అధికారం ఎందుకు చలాయించకూడదు?

1 కోరింథీయులకు 14: 34, 35 స్త్రీలు సంఘములలో మౌనముగా ఉండవలెను; వారు లోబడియుండవలసినదే గాని, మాటలాడుటకు వారికి సెలవు లేదు. ఈలాగు ధర్మశాస్త్రమును చెప్పుచున్నది. వారు ఏమైనను నేర్చుకొనగోరిన యెడల, ఇంట తమ తమ భర్తలనడుగవలెను; సంఘములో స్త్రీ మాటలాడుట అవమానము.

ఈ సందర్భంలో పౌలు స్త్రీలు సంఘంలో‌ మౌనంగా ఉండాలని "వారు లోబడియుండవలసినదే గాని, మాటలాడుటకు వారికి సెలవు లేదని సంఘములో స్త్రీ మాటలాడుట అవమానమని" ఆజ్ఞాపించడం మనం చూస్తాం. ఇలాంటి మాటలనే ఆయన తిమోతీ పత్రికలో కూడా ప్రస్తావించాడు.

1 తిమోతికి 2:11,12 స్త్రీలు మౌనముగా ఉండి, సంపూర్ణ విధేయతతో నేర్చుకొనవలెను. స్త్రీ మౌనముగా ఉండవలసినదేగాని, ఉపదేశించుటకైనను, పురుషుని మీద అధికారము చేయుటకైనను ఆమెకు సెలవియ్యను.

ఈ మాటలు చెప్పినందుకే స్త్రీవాదులకు పౌలు అంటే విపరీతమైన ద్వేషం. ఈ విషయంలో క్రైస్తవ స్త్రీవాదులు ఐతే అసలు పౌలు అపోస్తలుడే కాదు అన్నట్టుగా వాదించడం మొదలుపెట్టారు. దానికి కూడా నేను సమాధానం ఇస్తాను. అంతకంటే ముందు స్త్రీల విషయంలో పౌలు నియమిస్తున్న ఈ ఆజ్ఞలు అతను స్వంతగా కల్పించినవి కావని మనం గుర్తించాలి. ఇది ఎందుకు చెబుతున్నానంటే; తిమోతీ 2:11:12 వాక్యభాగంలో చివరిలో పౌలు "సెలవియ్యను" అని పలికినదానిని బట్టి "స్త్రీ మౌనంగా ఉండాలని, పురుషునిపై అధికారం చెయ్యకూడదని" స్త్రీల విషయంలో అంతవరకూ అతను జారీ చేసిన ఆజ్ఞలేవో అతను స్వంతంగా మాట్లాడుతున్నాడు తప్ప ఆత్మప్రేరణతో కాదని కొందరు భావిస్తుంటారు. కానీ పౌలు ఈ ఆజ్ఞలను ఆత్మ ప్రేరణతో దేవుని ఆజ్ఞలుగానే "నేను మీకు వ్రాయుచున్నవి ప్రభువుయొక్క ఆజ్ఞలని" 1 కొరింథీయులకు 14:34-37) నియమిస్తున్నాడు తప్ప తన స్వంతంగా కాదు. అక్కడ "సెలవియ్యను" అంటే అపోస్తలుడిగా సంఘంపై తనకున్న అధికారాన్ని గుర్తు చేస్తున్నాడు.

1 కొరింథీయులకు 14:34-37 స్త్రీలు సంఘములలో మౌనముగా ఉండవలెను; వారు లోబడియుండవలసినదే గాని, మాటలాడుటకు వారికి సెలవు లేదు. ఈలాగు ధర్మశాస్త్రమును చెప్పుచున్నది. వారు ఏమైనను నేర్చుకొనగోరిన యెడల, ఇంట తమ తమ భర్తల నడుగవలెను; సంఘములో స్త్రీ మాటలాడుట అవమానము. దేవుని వాక్యము మీ యొద్ద నుండియే బయలువెళ్లెనా? మీయొద్దకు మాత్రమే వచ్చెనా? ఎవడైనను తాను ప్రవక్తననియైనను ఆత్మసంబంధిననియైనను తలంచుకొనిన యెడల, "నేను మీకు వ్రాయుచున్నవి ప్రభువుయొక్క ఆజ్ఞలని అతడు దృఢముగా తెలిసికొనవలెను".

అంటే స్త్రీల విషయంలో పౌలు చెబుతున్న ఈమాటలు కచ్చితంగా "ప్రభువు యొక్క ఆజ్ఞలు". కొందరు అపార్థం చేసుకుంటున్నట్టుగా ఇవి ఆ సంఘ ప్రాంతాల సంస్కృతిని బట్టి చెబుతున్న మాటలు కూడా కావు. ఎందుకంటే దేవుని ఆజ్ఞలు ప్రాంతాన్ని బట్టీ వారి సంస్కృతులను బట్టీ మారిపోవు. అందుకే అతను "ఈ ప్రకారమే సంఘములన్నిటిలో నియమించుచున్నాను" (1కోరింథీ 7:17) అంటూ తనద్వారా దేవుడు నియమిస్తున్న ఆజ్ఞలు సంఘాలన్నిటికీ వర్తించేవిగా తెలియచేస్తున్నాడు. అలానే "దేవుని వాక్యము మీ యొద్ద నుండియే బయలువెళ్లెనా? మీయొద్దకు మాత్రమే వచ్చెనా?" (1కోరింథీ 14:36) అని ప్రశ్నిస్తూ "స్త్రీల విషయంలో" దేవునివాక్యం మొదట వచ్చిన యెరూషలేము సంఘం పాటించే నియమాలను మీరెందుకు పాటించట్లేదు మీరు ఆ సంఘం కంటే గొప్పవారా అని గద్దిస్తున్నాడు. కొరింథీ పత్రికను మనం సరిగ్గా అర్థం చేసుకుంటే ఈ సంఘం మిగిలిన సంఘాల వలే సంఘ నియమాలను అనుసరించడం లేదు. అందులో ఒకానొకటే "ఆ సంఘంలో స్త్రీలు కూడా బోధించడం" వాటన్నిటినీ సరిచెయ్యడానికే పౌలు ఈ పత్రికను రాస్తున్నాడు. కాబట్టి ఇవి కొరింథీయుల సంస్కృతిని బట్టి చెబుతున్న మాటలు కానే కావు.  స్త్రీలు "సంఘములలో" మౌనముగా ఉండవలెను అని బహువచనం ప్రయోగించబడడం గమనించండి. ఇక ఈ ఆజ్ఞలు విషయంలో ఏమైనా వివక్ష ఉందా అని పరిశీలిస్తే; దేవుడు తన చిత్తానుసారంగా స్త్రీ పురుషులకు అప్పగించిన పాత్రలలో అసమానత ఉన్నప్పటికీ అది వారికున్న పాత్రలలోనే అసమానత తప్ప వారికున్న విలువలో అసమానత కాదు కాబట్టి అది వివక్ష అవ్వదు. ఉదాహరణకు: ఇశ్రాయేలీయుల గోత్రాలలో లేవీ గోత్రికులు మాత్రమే యాజకత్వం చెయ్యాలనేది ధర్మశాస్త్ర నియమం. అంటే ఆయన మిగిలిన గోత్రాలపై వివక్ష చూపించినట్టా? పోని బైబిల్ చరిత్రలో యుద్ధం చేసే సైనికులుగా కూడా ఆయన పురుషులనే నియమించాడు.‌ అది కూడా స్త్రీలపై వివక్షేనా? కాదు కదా!. కాబట్టి ఆయన పౌలు ద్వారా "స్త్రీ సంఘంలో మౌనంగా ఉండాలని" ఆజ్ఞాపించినప్పటికీ అది వివక్ష కాదు. ఆ పాత్రలో దేవుడు పురుషుడ్ని మాత్రమే నియమించదలిచాడు (దానికి గల ప్రాముఖ్యమైన కారణాన్ని తిమోతీ పత్రిక మాటల సందర్భంలో మాట్లాడతాను). ఒకవేళ స్త్రీలకు సంఘంలో ఆ పాత్రను ఆయనే మినహాయించి, ఆ పాత్రలో మినహాయించబడడం వల్ల వారు పురుషులకంటే తక్కువవారని ఎంచుతుంటే లేక ఆయన ఇచ్చే బహుమానం విషయంలో వారికి పురుషుల కంటే తక్కువగా ఇస్తుంటే అప్పుడు మాత్రమే అది వివక్ష ఔతుంది. కానీ తీర్పురోజు ఆయన వాక్యోపదేశం చేసే పురుషులకు ఎలాంటి జీతం ఇస్తాడో సంఘంలో మౌనంగా ఉండే విశ్వాసులైన స్త్రీలకు కూడా ఆయన అదే జీతం ఇస్తాడు (మత్తయి 25:34). ప్రకృతిసిద్ధంగా కూడా స్త్రీ పురుషులలో ఆయన వేరువేరు అసమానతలు పెట్టాడు. స్త్రీ గర్భం ధరించి పిల్లలను కనేటట్టు పురుషుడు కనలేడు, అలానే పురుషుడు స్త్రీని గర్భవతిని చేసేటట్టు స్త్రీ పురుషుడిని గర్భవతి చెయ్యలేదు. స్త్రీవాదులు దీనిని కూడా వివక్షే అంటారా? అయితే ఆ వివక్షను జయిస్తూ పురుషులను గర్భవతులను చేసి చూపించాలి.

స్త్రీ సంఘంలో మౌనంగా ఉండాలి అనేదాని విషయంలో ఇంకాస్త స్పష్టతను (1), అలానే వ్యతిరేక వాదనలకు (2) కూడా సమాధానం ఇవ్వదలిచాను.

1. ఆ మాటలు "సంఘక్రమం" గురించిన సందర్భంలో చెప్పబడ్డాయి (1 కోరింథీ 14). అందుకే "స్త్రీలు 'సంఘములలో' మౌనముగా ఉండవలెను; వారు లోబడియుండవలసినదే గాని, మాటలాడుటకు వారికి సెలవు లేదు. ఈలాగు ధర్మశాస్త్రమును చెప్పుచున్నది 'సంఘములో స్త్రీ' మాటలాడుట అవమానము" (1 కొరింథీ 14: 34,35) అని స్పష్టంగా రాయబడింది. అంటే అక్కడ పౌలు స్త్రీలను సంఘంలో వాక్యోపదేశం చేసే విషయంలో మాత్రమే మినహాయిస్తున్నాడు తప్ప మౌనంగా ఉండడమంటే అసలు వాక్యపఠనం, ప్రార్థనలు కూడా చెయ్యకూడదనే భావం అందులో లేదు. అందుకే దీనికి సంబంధించిన మరో సందర్భంలో "స్త్రీ మౌనముగా ఉండవలసినదేగాని, ఉపదేశించుటకైనను, పురుషుని మీద అధికారము చేయుటకైనను ఆమెకు సెలవియ్యను" (1తిమోతికి 2:12) అని స్పష్టం చేస్తున్నాడు. అంటే స్త్రీలు ఉపదేశించడం అనగా బోధించడం విషయంలో అది కూడా పురుషులు ఉన్నటువంటి సంఘంలో బోధించడం‌ విషయంలో నిషేధించబడ్డారు తప్ప మిగిలిన సంఘ పరిచర్యల విషయంలో కాదు. నేటి సంఘాల్లో కొందరు స్త్రీలపట్ల ఇలాంటి నియంత్రణలు కూడా విధిస్తున్నారు కాబట్టి ఈ మాటలు చెప్పవలసి వచ్చింది. కాబట్టి వాక్య అవగాహన కలిగిన మంచి విశ్వాసులైన స్త్రీలు "స్త్రీల సమాజం" వంటి సంఘ కార్యక్రమాల్లో నిరభ్యంతరంగా బోధించవచ్చు.

2. కొందరు ప్రిస్కిల్ల అనే విశ్వాసి తన భర్తతో కలసి అపొల్లోకు దేవుని మార్గాన్ని బోధించడాన్ని (అపో.కా 18:26), పౌలుతో కలసి కొందరు స్త్రీలు సువార్త పరిచర్య చెయ్యడాన్ని (పిలిప్పీ 4:3), ఫిలిప్పు కుమార్తెలు ప్రవచించడాన్ని (అపో.కా 21:9), సమరయ స్త్రీ యేసుక్రీస్తు గురించి ప్రకటించడాన్ని (యోహాను 4:28,29), మగ్దలేనె మరియ యేసుక్రీస్తు లేచాడని శిష్యులకు వర్తమానం తీసుకురావడాన్ని (యోహాను 20:18), చూపించి స్త్రీలు కూడా సంఘంలో బోధించవచ్చని వాదిస్తుంటారు. కానీ వారు బోధించిందీ ప్రకటించిందీ విశ్వాస సమూహం సంఘంగా ఏర్పడిన చోట కాదు. మనం మాట్లాడుకుంటుంది సంఘంగా కూడివచ్చినప్పుడు పాటించవలసిన నియమం గురించే (1 కొరింథీ 14:26) తప్ప సువార్త ప్రకటన గురించి కాదు. ఈ తారతమ్యం బాగా గుర్తుపెట్టుకోండి. స్త్రీలు సంఘంలో అది కూడా పురుషులు ఉన్నటువంటి సంఘంలో బోధించకూడదు. కానీ సువార్తను ప్రకటించవచ్చు. ఆ సువార్తను పురుషులకు కూడా ప్రకటించవచ్చు‌. అందుకే స్త్రీలు తమ కుటుంబాలకు మంచి ఉపదేశం చేసేవారిగా ఉండాలని రాయబడింది (తీతుకు 2:4,5). సువార్త కంటే మంచి ఉపదేశం ఏముంటుంది? కానీ స్త్రీ సంఘంలో మాట్లాడడం మాత్రం అవమానకరం (1 కొరింథీ 14:35). ఫిలిప్పు కుమార్తెల విషయంలో కూడా మనం ఈ పరిధిలోనే అర్థం చేసుకోవాలి. వారు ప్రవచించువారు అని రాయబడింది తప్ప సంఘంలో ప్రవచించినట్టుగా ఎక్కడా రాయబడలేదు. ఈవిధంగా వాక్యంలోని మాటలను మనం వాక్యపరిధిలోనే అర్థం చేసుకోవాలి.

మరో విషయం యేసుక్రీస్తు మృతులలోనుండి లేచినట్టు మగ్దలేనె మరియ చెప్పిందని శిష్యులు నమ్మలేదు (మార్కు 16:9-11) ప్రభువు వారికి నేరుగా ప్రత్యక్షం కాబట్టే వారు నమ్మారు, సువార్తలలో ఆ వివరాలు చాలా స్పష్టంగా రాయబడ్డాయి. ఈ విషయం ఎందుకు చెబుతున్నానంటే స్త్రీలు సంఘంలో బోధించవచ్చని వాదించేవారు ఎక్కువగా మగ్దలేనే మరియకు ప్రభువు అనుగ్రహించిన ప్రత్యక్షతను చాలా గొప్పగా ప్రస్తావిస్తుంటారు.

ఈమధ్య కొందరు కుహానా మేధావులు బయల్దేరి పాతనిబంధనలో ప్రవక్తినులైన దెబోరా మిర్యాము హుల్దాలను చూపించి స్త్రీలు కూడా సంఘంలో బోధించవచ్చని వాదిస్తున్నారు. నూతననిబంధనలో నిర్మించబడిన సంఘాన్నీ ఆ సంఘ క్రమాన్నీ పాతనిబంధనలోని ప్రవక్తినులతో పోల్చి వాదిస్తున్నప్పుడే వారి వాక్యజ్ఞానం ఏంటో మనకు అర్థమైపోతుంది. అందుకే వారిని మేధావులు అని ప్రస్తావించాను. అందుకే ఈ విషయంలో ఆ మేధావులకు ఎక్కువ వివరణ ఇవ్వకుండా ఈ ప్రశ్నలతోనే సరిపెట్టాలనుకుంటున్నాను. మోషే ద్వారా నిర్మించబడిన ప్రత్యక్షగుడారంలో దేవుడు ఒక్క స్త్రీ యాజకురాలికి కూడా ఎందుకు అవకాశం కల్పించలేదు? సొలొమోను దేవాలయంలో కూడా యాజకులుగా పురుషులు మాత్రమే ఎందుకు పనిచేసారు? దేవునిచేత అభిషేకించబడిన ఇశ్రాయేలీయుల రాజుల్లో ఒక్క స్త్రీ కూడా ఎందుకు లేదు? అలాగే యేసుక్రీస్తు పన్నెండు మంది అపోస్తలులలో ఒక్క స్త్రీ కూడా ఎందుకు ఎన్నుకోబడలేదు? ఆయన 70మంది ఇతర శిష్యుల్లో కూడా ఆ అవకాశం వారికి ఎందుకు ఇవ్వబడలేదు? ఎందుకంటే; నేను ముందే చెప్పినట్టు ఆయన ఎవరికి ఏ పాత్రను నిర్ణయించాడో వారికి మాత్రమే ఆ పాత్రలో కొనసాగే అవకాశం ఇస్తాడు. అరకొర జ్ఞానంతోనూ ఎలాగైనా తమ దుర్బోధలను సమర్ధించుకోవాలనే తాపత్రయంతోనూ సంబంధం లేని ఉదాహరణలు తీసుకువచ్చి వాక్యం స్పష్టంగా ఆజ్ఞాపిస్తున్నటువంటి సంఘక్రమాన్ని దారి తప్పించే ఇలాంటివారి విషయంలో జాగ్రత్త.

రోమీయులకు 16:17,18 సహోదరులారా, మీరు నేర్చుకొనిన బోధకు వ్యతిరేకముగా భేదములను ఆటంకములను కలుగజేయు వారిని కనిపెట్టియుండుడని మిమ్మును బతిమాలుకొను చున్నాను. వారిలోనుండి తొలగిపోవుడి. అట్టి వారు మన ప్రభువైన క్రీస్తుకు కాక తమ కడుపునకే (మనుషుల మెప్పుకే) దాసులు; వారు ఇంపైన మాటలవలనను ఇచ్చకములవలనను నిష్కపటుల (సంఘక్రమాన్ని పాటించేవారి) మనస్సులను మోసపుచ్చుదురు.

స్త్రీలు సంఘంలో బోధించవచ్చు అని, లేక పాస్టర్లుగా ఉండవచ్చు అని వాదించేవారు దానికి అనుకూలంగా వక్రీకరిస్తున్న మరికొన్ని వాక్యభాగాలను కూడా పరిశీలిద్దాం. వారి వాదనకు అవి చాలా ప్రధానంగా వక్రీకరించబడుతున్నాయి కాబట్టి వాటికోసం ప్రత్యేకంగా‌ వివరించదలిచాను.

A. కీర్తనలు 68:11 ప్రభువు మాట సెలవిచ్చుచున్నాడు దానిని ప్రకటించు స్త్రీలు గొప్ప సైన్యముగా ఉన్నారు.

కొందరు ఈ వాక్యభాగాన్ని వక్రీకరించి స్త్రీలు కూడా సంఘంలో బోధించవచ్చు అని వాదిస్తున్నారు‌. కానీ ఈ మాటల సందర్భాన్ని మనం పరిశీలించినప్పుడు అది మొదటిగా దేవుడు ఇశ్రాయేలీయులను ఐగుప్తు నుండి విడిపించడం గురించి మాట్లాడుతుంది.

కీర్తనల గ్రంథము 68:7-10 దేవా, నీవు నీ ప్రజలముందర బయలుదేరి నప్పుడు అరణ్యములో నీవు ప్రయాణము చేసినప్పుడు భూమి వణకెను దేవుని సన్నిధిని అంతరిక్షము దిగజారెను ఇశ్రాయేలు దేవుడగు దేవుని సన్నిధిని ఆవలి సీనాయి కంపించెను. దేవా, నీ స్వాస్థ్యముమీద నీవు వర్షము సమృద్ధిగా కురిపించితివి అది అలసియుండగా నీవు దానిని బలపరచితివి. నీ సమూహము దానిలో నివసించును దేవా, నీ అనుగ్రహముచేత దీనులకు సదుపాయము కలుగజేసితివి.

రెండవదిగా ఆయన అలా వారిని ఐగుప్తు నుండి విడిపించి, మార్గంలో పోషించి చివరిగా కనాను దేశపు రాజులను ఓడించి ఆ దేశాన్ని వారికి స్వాస్థ్యంగా పంచిపెట్టడం గురించి తెలియచేస్తుంది.

కీర్తనలు 68:11-14 ప్రభువు మాట సెలవిచ్చుచున్నాడు దానిని ప్రకటించు స్త్రీలు గొప్ప సైన్యముగా ఉన్నారు. సేనల రాజులు పారిపోయెదరు పారిపోయెదరు ఇంట నిలిచినది దోపుడుసొమ్ము పంచుకొనును. గొఱ్ఱెల దొడ్లమధ్యను మీరు పండుకొనగా గువ్వల రెక్కలు వెండితో కప్పబడినట్లున్నది వాటి యీకెల రెక్కలు పచ్చని బంగారుతో కప్ప బడినట్టున్నది. సర్వశక్తుడు అక్కడ రాజులను చెదరగొట్టినప్పుడు సల్మోనుమీద హిమము కురిసినట్లాయెను.

దావీదు ఆ సందర్భంలోనే అనగా దేవుడు ఇశ్రాయేలీయులను ఐగుప్తునుండి విడిపించి కనాను దేశపు రాజులపై విజయాన్ని అనుగ్రహించిన సందర్భంలోనే "ప్రభువు మాట సెలవిచ్చుచున్నాడు దానిని ప్రకటించు స్త్రీలు గొప్ప సైన్యముగా ఉన్నారు" అనే మాటలను ఉపయోగిస్తున్నాడు. ఇంతకూ "ప్రభువు సెలవిచ్చిన మాట" ఏంటి? ఒకసారి మనం అబ్రాహాముకు దేవుడు చేసిన వాగ్దానాన్ని పరిశీలించినప్పుడు "ఆయన నీ సంతతివారు తమది కాని పరదేశమందు నివసించి ఆ దేశపువారికి దాసులుగా నుందురు. వారు నాలుగు వందల యేండ్లు వీరిని శ్రమ పెట్టుదురు; వీరు ఎవరికి దాసులవుదురో ఆ జనమునకు నేనే తీర్పు తీర్చుదును. తరువాత వారు మిక్కిలి ఆస్తితో బయలుదేరి వచ్చెదరు. నీవు క్షేమముగా నీ పితరుల యొద్దకు పోయె దవు; మంచి వృద్ధాప్యమందు పాతిపెట్టబడుదువు. అమోరీయుల అక్రమము ఇంకను సంపూర్ణము కాలేదు గనుక నీ నాలుగవ తరమువారు ఇక్కడికి మరల వచ్చెదరని నిశ్చయముగా తెలిసికొనుమని అబ్రాముతో చెప్పెను. మరియు ప్రొద్దు గ్రుంకి కటిక చీకటి పడినప్పుడు రాజుచున్నపొయ్యియు అగ్నిజ్వాలయును కనబడి ఆ ఖండముల మధ్య నడిచిపోయెను. ఆ దినమందే యెహోవాఐగుప్తు నది మొదలుకొని గొప్ప నదియైన యూఫ్రటీసు నదివరకు ఈ దేశమును, అనగా కేనీయు లను కనిజ్జీయులను కద్మోనీయులను హిత్తీయులను పెరి జ్జీయులను రెఫాయీయులను అమోరీయులను కనా నీయులను గిర్గాషీయులను యెబూసీయులను నీ సంతాన మున కిచ్చియున్నానని అబ్రాముతో నిబంధన చేసెను" (ఆదికాండము 15:13-21) అనే మాటలు కనిపిస్తాయి. ఇశ్రాయేలీయులు ఐగుప్తు నుండి విడుదలై కనాను దేశపు రాజులను ఓడించి ఆ దేశాన్ని స్వాధీనపరచుకోవడంతో ప్రభువు సెలవిచ్చిన ఈ మాటలు నెరవేరాయి. సాధారణంగా ఆ కాలంలో ఏదైనా ఒక తెగ లేక పట్టణం మరో పట్టణంపై యుద్ధం చేసి దానిని జయించి తిరిగివచ్చేటప్పుడు ఆ తెగకు లేక పట్టణానికి చెందిన స్త్రీలందరూ పాటలు పాడుతూ లేక తమ దేవుణ్ణి స్తుతిస్తూ ఆ సైనికులను ఆహ్వానిస్తారు. ఈ సందర్భాలు బైబిల్ లో స్పష్టంగా మనం గమనిస్తాం.

న్యాయాధిపతులు 11:33,34 అనగా అరోయేరు మొదలుకొని మిన్నీతుకు వచ్చువరకు ఆబేల్కెరా మీమువరకును ఇరువది పట్టణముల వారిని నిశ్శేష ముగా హతముచేసెను. అట్లు అమ్మోనీయులు ఇశ్రాయేలీయుల యెదుట నిలువకుండ అణచి వేయబడిరి. యెఫ్తా మిస్పాలోనున్న తన యింటికి వచ్చినప్పుడు అతని కుమార్తె తంబురలతోను నాట్యముతోను బయలు దేరి అతనిని ఎదుర్కొనెను.

ఇలాంటి సంఘటన దావీదుకు కూడా బాగా అనుభవం.

1 సమూయేలు 18:6,7 దావీదు ఫిలిష్తీయుని హతముచేసి తిరిగి వచ్చినప్పుడు, స్త్రీలు ఇశ్రాయేలీయుల ఊళ్లన్నిటిలో నుండి తంబురల తోను సంభ్రమముతోను వాద్యములతోను పాడుచు నాట్యమాడుచు రాజైన సౌలును ఎదుర్కొనుటకై వచ్చిరి ఆ స్త్రీలు గాన ప్రతిగానములు చేయుచు వాయించుచు-సౌలు వేలకొలదియు, దావీదు పదివేలకొలదియు (శత్రువులను) హతము చేసిరనిరి.

ఇశ్రాయేలీయులు ఐగుప్తు నుండి విడిపించబడినప్పుడు కూడా ఇలానే జరిగింది.

నిర్గమకాండము 15:20,21 మరియు అహరోను సహోదరియు ప్రవక్త్రియునగు మిర్యాము తంబురను చేత పట్టుకొనెను. స్త్రీలందరు తంబురలతోను నాట్యములతోను ఆమె వెంబడి వెళ్లగా మిర్యాము వారితో కలిసి యిట్లు పల్లవి యెత్తి పాడెను యెహోవాను గానము చేయుడి ఆయన మిగుల అతిశయించి జయించెను గుఱ్ఱమును దాని రౌతును సముద్రములో ఆయన పడద్రోసెను.

అక్కడ దావీదు "ప్రభువు మాట సెలవిచ్చుచున్నాడు దానిని ప్రకటించు స్త్రీలు గొప్ప సైన్యముగా ఉన్నారు" అని ప్రస్తావించింది వీటికోసమే (ఇలాంటి విజయాల కోసమే). ప్రభువు వారిని శత్రువుల (ఐగుప్తు) చేతినుండి విడిపించి, శత్రువుల (కనానీయుల) పై వారికి విజయాన్ని ప్రసాదించి ఆ దేశాన్ని స్వాస్థ్యంగా ఇస్తానని సెలవిచ్చాడు. ఆ ప్రభువు సెలవిచ్చిన మాటల నెరవేర్పునే స్త్రీలు ఇశ్రాయేలీయుల యుద్ధ విజయాలలో పాటలు పాడుతూ ప్రకటిస్తున్నారు. ఆ విధంగా అవి ఇశ్రాయేలీయులకూ శత్రువులకూ జరిగిన యుద్ధాలను గురించి వారిపై ఇశ్రాయేలీయులకు లభించిన విజయాల గురించి రాయబడిన మాటలు.

కీర్తనలు 68:11-14 ప్రభువు మాట సెలవిచ్చుచున్నాడు దానిని ప్రకటించు స్త్రీలు గొప్ప సైన్యముగా ఉన్నారు. సేనల రాజులు పారిపోయెదరు పారిపోయెదరు ఇంట నిలిచినది దోపుడుసొమ్ము పంచుకొనును. గొఱ్ఱెల దొడ్లమధ్యను మీరు పండుకొనగా గువ్వల రెక్కలు వెండితో కప్పబడినట్లున్నది వాటి యీకెల రెక్కలు పచ్చని బంగారుతో కప్ప బడినట్టున్నది. సర్వశక్తుడు అక్కడ రాజులను చెదరగొట్టినప్పుడు సల్మోనుమీద హిమము కురిసినట్లాయెను.

అంతేతప్ప దావీదు ఆ మాటలను స్త్రీలు సంఘంలో వాక్యం‌ బోధించవచ్చు అనడానికి ఆధారంగా అలా రాయట్లేదు. వాక్యం నుండి దేనినైనా ఆధారంగా తీసుకునేముందు సందర్భం చూడాలి. సందర్భాన్ని ప్రక్కన పెట్టి మాట్లాడితే అక్కడ మాట్లాడుతుంది వాక్యం కాదు కేవలం మనిషే. ఇంత వివరించినప్పటికీ ఆ మాటలు స్త్రీలు చేసే వాక్య ప్రకటన గురించే రాయబడ్డాయని వాదిస్తే అప్పుడు కూడా ఇంతవరకూ నేను వివరించినదాని ప్రకారం వారు వ్యక్తిగత సువార్తకే పరిమితమవ్వాలి తప్ప, సంఘంలో బోధించడం మాత్రం వారికి అనుమతించబడలేదు.

B. 2యోహాను 1:1 పెద్దనైన నేను, ఏర్పరచబడినదైన అమ్మగారికిని ఆమె పిల్లలకును శుభమని చెప్పి వ్రాయునది.

కొందరు ఈ వాక్యభాగాన్ని కూడా వక్రీకరించి పెద్దయైన (పాస్టర్) యోహాను ఏర్పరచబడినదైన అమ్మగారికి అనగా యోహానులానే పెద్ద (పాస్టర్) గా ఏర్పరచబడిన అమ్మగారికి ఈ పత్రికను రాస్తున్నాడ‌ని అంటే ఆ కాలంలోనే స్త్రీ పాస్టర్లు ఉండేవారని యోహాను కూడా వారిని అంగీకరించాడని వాదిస్తున్నారు. కానీ గమనించండి ఇక్కడ యోహాను "పెద్దనైన నేను, ఏర్పరచబడినదైన అమ్మగారికి" అంటున్నాడు తప్ప నాకులానే పెద్దగా ఏర్పచబడిన అమ్మగారికి అనట్లేదు. ఒకవేళ యోహాను మాటల భావం అదే ఐతే ఈ పత్రికలో ఎక్కడైనా "తోటిపెద్దను, క్రీస్తు శ్రమలను గూర్చిన సాక్షిని, బయలుపరచబడబోవు మహిమలో పాలివాడనునైన నేను మీలోని పెద్దలను హెచ్చరించుచున్నాను" (1 పేతురు 5:1) అని పేతురు సంబోధించినట్టుగా అలాంటి పదప్రయోగాలు ఏమైనా మనకు కనిపిస్తాయా? లేదు. కాబట్టి కేవలం ఆ వాదన వక్రీకరణ మాత్రమే.

ఇంతకూ యోహాను తన పత్రికకు రాస్తున్నటువంటి ఈ స్త్రీ ఎవరు? ఈ ప్రశ్నపై చాలామంది చాలా విధాలుగా సమాధానం ఇచ్చారు కానీ మన తెలుగులో ఇక్కడ "అమ్మగారికి" అని తర్జుమా చెయ్యబడిన చోట గ్రీకు బాషలో "κυρίᾳ" (కురియా) అనే పదం వాడబడింది. గ్రీకులో "Κύριος" (కురియోస్) అంటే ప్రభువు అని అర్థం (అపొ.కా 10:36). అలాంటి పదమే అక్కడ యోహాను ఆ స్త్రీకి ఉపయోగిస్తున్నాడు. ఇది విశేషమైన ఆమె ప్రాముఖ్యతను సూచిస్తుంది. నిజానికి యోహాను ఈ పత్రికను ఎవరో ఒక స్త్రీకి కాదు కానీ సంఘానికి రాస్తూ ఆ సంఘాన్నే స్త్రీగా ప్రస్తావించాడు. అందుకే "కాగా అమ్మా, క్రొత్త ఆజ్ఞ నీకు వ్రాసినట్టు కాదు గాని మొదటనుండి మనకు కలిగిన ఆజ్ఞనే వ్రాయుచు, మనము ఒకరినొకరము ప్రేమింపవలెనని నిన్ను వేడుకొనుచున్నాను, మనమాయన ఆజ్ఞలప్రకారము నడుచుటయే ప్రేమ; మీరు మొదటనుండి వినిన ప్రకారము ప్రేమలో నడుచుకొనవలెను అనునదియే ఆ ఆజ్ఞ. యేసుక్రీస్తు శరీరధారియై వచ్చెనని యొప్పుకొనని వంచకులు అనేకులు లోకములో బయలుదేరియున్నారు. అట్టివాడే వంచకుడును క్రీస్తు విరోధియునైయున్నాడు. మేము మీ మధ్యను నెరవేర్చిన కార్యములను చెడగొట్టుకొనక మీరు పూర్ణ ఫలము పొందునట్లు జాగ్రత్తగా చూచుకొనుడి" (2 యోహాను 1:5-8) అని ఆ సంఘాన్ని హెచ్చరిస్తున్నాడు. లేదా ఆ స్త్రీ యొక్క పిల్లలుగా వర్ణించబడిన విశ్వాసులను హెచ్చరించమని ఆజ్ఞాపిస్తున్నాడు.

అయితే మీకిప్పుడు సంఘాన్ని ఇలా స్త్రీగా ప్రస్తావిస్తూ రాయడం లేఖనంలో మరెక్కడైనా ఉందా అనే ప్రశ్న‌ రావొచ్చు. చాలా స్పష్టంగా ఉంది. దానికి మంచి ఆధారం ఈ యోహాను పత్రికలోనే మనకు లభిస్తుంది చూడండి.

2యోహాను 1:13 ఏర్పరచబడిన నీ సహోదరి పిల్లలు నీకు వందనములు చెప్పుచున్నారు.

ఇక్కడ యోహాను తన పత్రికను ముగిస్తూ ఈమె లానే ఏర్పరచబడిన "నీ సహోదరి పిల్లలు నీకు వందనములు చెప్పుచున్నారు" అని అంటున్నాడు. అంటే వేరొక సంఘ విశ్వాసులను ఉద్దేశించి ఆ మాటలు రాస్తున్నాడు. పేతురు రచనలో కూడా ఇలాంటి వర్ణనను మనం చూస్తాం.

1 పేతురు 5:13 బబులోనులో మీవలె నేర్పరచబడిన ఆమెయు, నా కుమారుడైన మార్కును, మీకు వందనములు చెప్పుచున్నారు.

ఇక్కడ పేతురు‌ ఈ మాటలను బబులోను అనగా రోములో‌ ఉన్న సంఘాన్ని ఉద్దేశించి రాస్తున్నాడు. కాబట్టి యోహాను తన రెండవ పత్రికను రాస్తుంది ఎవరో స్త్రీకీ కాదు, పాస్టరమ్మ గారికి అసలే కాదు. సంఘాన్నే అతను స్త్రీగా ప్రస్తావించి ఆ పత్రికను రాస్తున్నాడు. "ఏర్పరచబడిన" అంటే దేవుని ఏర్పాటును బట్టి రక్షించబడిన అని అర్థం (1 పేతురు 1:1,2, 2:9, రోమా 8:33, ఎఫెసీ 1:6, కొలస్సీ 3:12, 2 తిమోతి 2:10).

C. రోమీయులకు 16:1,2 కెంక్రేయలో ఉన్న సంఘపరిచారకురాలగు ఫీబే అను మన సహోదరిని, పరిశుద్ధులకు తగినట్టుగా ప్రభువు నందు చేర్చుకొని, ఆమెకు మీవలన కావలసినది ఏదైన ఉన్నయెడల సహాయము చేయవలెనని ఆమెను గూర్చి మీకు సిఫారసు చేయుచున్నాను; ఆమె అనేకులకును నాకును సహాయురాలై యుండెను.

ఈ సందర్భంలో పౌలు ఫీబే అనబడే స్త్రీని సంఘపరిచారకురాలిగా ప్రస్తావించడం మనం చూస్తాం. అలానే "అటువలె పరిచర్యచేయు స్త్రీలును మాన్యులై (వారి భార్యలును) కొండెములు చెప్పనివారును (అపవాదులును) మితాను భవముగలవారును, అన్ని విషయములలో నమ్మకమైనవారునై యుండవలెను" (1 తిమోతికి 3:11) అని కూడా రాయబడింది. దీనిఆధారంగా కూడా కొందరు స్త్రీలు వాక్యపరిచర్య చెయ్యవచ్చని వాదిస్తున్నారు‌. కానీ సంఘపరిచారకురాలు అనగానే సంఘంలో వాక్యపరిచర్య చేసేవారే అనుకోవడం వారి అమాయకత్వం. ఎందుకంటే సంఘంలో బోధించే పరిచర్య మాత్రమే కాదు ఇతర పరిచర్యలు కూడా ఉంటాయి. ఉదాహరణకు; కీర్తనలు పాడడం, ప్రార్థనలో నడిపించడం, వాక్యపఠనం చెయ్యడం, సంఘానికి భోజనం సిద్ధపరచడం ఇలాంటివి. పేదలకూ విధవరాండ్రకూ సహాయం చెయ్యడం కూడా సంఘ పరిచర్యనే. పౌలు విశ్వాసులైన స్త్రీలకు అలా చెయ్యమని కూడా ఆజ్ఞాపించాడు (1 తిమోతీ 5:16). కాబట్టి ఫీబే సంఘ పరిచారకురాలు అనగానే సంఘంలో వాక్యం‌ బోధించే స్త్రీగా మనం భావించకూడదు. ఒకవేళ ఈ ఫీబే సంఘంలో వాక్యపరిచర్య చేసే స్త్రీనే అయ్యుంటే ఆమె మరియు ఆమె బోధిస్తున్నటువంటి సంఘం "స్త్రీ సంఘంలో మౌనంగా ఉండాలని" తన ద్వారా దేవుడు ఆజ్ఞాపించినదానిని ధిక్కరించినందుకు పౌలు ఆమెనూ ఆమె‌ బోధించే సంఘాన్నీ గద్దించేవాడే తప్ప ఆమెను ప్రోత్సహిస్తున్నట్టుగా మాట్లాడదు కదా?. ఈ కనీస తర్కాన్ని ఉపయోగించి అర్థం చేసుకున్నప్పటికీ ఆమె సంఘంలో చేస్తుంది వాక్యపరిచర్య కాదని స్పష్టమౌతుంది. పౌలు ఆమె గురించి "ఆమె అనేకులకును నాకును సహాయురాలై యుండెను" అని రాయడం వల్ల బహుశా ఆమె అందరికీ సహాయం చేసే పరిచర్యలో కొనసాగుతూ ఉండవచ్చు. లేదా ఆమె వారితో కలసి సువార్తపనిలో ప్రయాసపడియుండవచ్చు. సువార్త ప్రకటించడం కూడా సంఘపరిచర్యే. స్త్రీలు సువార్తను ప్రకటించవచ్చని ఇప్పటికే మనం చూసాం. పౌలు వారిని ఎంతగానో అభినందిస్తూ తన పత్రికలో జ్ఞాపకం చేసుకున్నాడు.

ఫిలిప్పీయులకు 4:3 అవును, నిజమైన సహకారీ ఆ స్త్రీలు క్లెమెంతుతోను నా యితర సహకారులతోను సువార్త పనిలో నాతో కూడ ప్రయాసపడినవారు గనుక వారికి సహాయము చేయుమని నిన్ను వేడుకొనుచున్నాను. ఆ సహకారుల పేరులు జీవగ్రంధమందు వ్రాయబడియున్నవి.

D. రోమీయులకు 16:3,4 క్రీస్తు యేసునందు నా జతపనివారైన ప్రిస్కిల్లకును, అకులకును నా వందనములు చెప్పుడి. వారు నా ప్రాణముకొరకు తమ ప్రాణములను ఇచ్చుటకైనను తెగించిరి. మరియు, వారి యింట ఉన్న సంఘమునకును వందనములు చెప్పుడి; నేను మాత్రము కాదు అన్యజనులలోని సంఘములవారందరు వీరికి కృతజ్ఞులై యున్నారు.

ఈ సందర్భంలో పౌలు అకుల ప్రిస్కిల్ల ఇద్దరినీ జతపనివారిగా సంబోధించడం వారి ఇంట సంఘం కూడా ఉన్నదని తెలియచెయ్యడం మనం చూస్తాం. కొందరు దీనిని కూడా వక్రీకరించి పురుషులతోపాటు స్త్రీలు కూడా వాక్యపరిచర్యలో జతపనివారిగా ఉండవచ్చని ప్రిస్కిల్ల తన ఇంట ఉన్న సంఘంలో బోధించేదని, అపొల్లోకు కూడా ఆమె ఆ సంఘంలోనే బోధించిందని (అపొ.కా 18:25,26) వాదిస్తుంటారు. కానీ నిజానికి పౌలుతో కలసి సువార్తలో ప్రయాసపడినవారంతా సువార్తలో అతని జతపనివారే. జతపనివారు అనగానే సంఘంలో బోధించేవారే అయ్యుండక్కర్లేదు. అలానే ప్రిస్కిల్ల ఇంట సంఘం ఉన్నంతమాత్రాన ఆమె కూడా ఆ సంఘంలో బోధించేదని భావించనక్కర్లేదు. ఆమె అపొల్లోకు కూడా తన భర్తతో కలసి సువార్తనే ప్రకటించింది తప్ప సంఘంలో‌ బోధించలేదు. నేను ముందటి వాదనలో వివరించిందే ఇక్కడా జ్ఞాపకం చేస్తున్నాను. ఒకవేళ ప్రిస్కిల్ల సంఘంలో బోధించేదైతే పౌలు ఆమెను గద్దించి సరిచేస్తాడు తప్ప ప్రోత్సహించడు.

E. గలతీయులకు 3:27,28 క్రీస్తులోనికి బాప్తిస్మము పొందిన మీరందరు క్రీస్తును ధరించుకొనియున్నారు. ఇందులో యూదుడని గ్రీసుదేశస్థుడని లేదు, దాసుడని స్వతంత్రుడని లేదు, పురుషుడని స్త్రీ అని లేదు; యేసుక్రీస్తునందు మీరందరును ఏకముగా ఉన్నారు.

కొందరు ఈ వాక్యభాగాన్ని కూడా వక్రీకరించి పురుషుడనీ స్త్రీ అనీ బేధం లేదు కాబట్టి స్త్రీలు కూడా సంఘంలో బోధించవచ్చని వాదిస్తున్నారు. కానీ మాటలు ప్రభువు తన కృపచేత అనుగ్రహించిన మన రక్షణలో స్త్రీ అనీ పురుషుడనీ యూదుడనీ గ్రీసుదేశస్థుడనీ దాసుడనీ స్వతంత్రుడనీ ఏ బేధమూ లేదనే భావంలో రాయబడ్డాయి తప్ప సంఘక్రమం‌ విషయంలో కాదు. సందర్భాన్ని ప్రక్కనపెడితే ఏ వాక్యభాగాన్నైనా మన వాదనకు తగినట్టుగా వక్రీకరించవచ్చు. మన తెలుగు క్రైస్తవ్యంలో కొందరు వంచకులు ప్రముఖబోధకులుగా వర్ధిల్లింది అలాంటి వక్రీకరణలూ తమ వాక్చాతుర్యాలను బట్టే. ప్రాముఖ్యంగా ఆ గుంపుకు చెందిన కొందరే ఇలా స్త్రీ సంఘంలో బోధించవచ్చని బల్ల గుద్ది మరీ వాదిస్తుంటారు.

F. రోమీయులకు 16:7 నాకు బంధువులును నా తోడి ఖైదీలునైన అంద్రొనీకుకును, యూనీయకును వందనములు; వీరు అపొస్తలులలో ప్రసిద్ధి కెక్కినవారై, నాకంటె ముందుగా క్రీస్తునందున్నవారు

ఈ సందర్భంలో పౌలు తన తోడి ఖైదీలలో అంద్రొనీకు అనే పేరుతో పాటు యూనీయ అనే పేరును కూడా ప్రస్తావించి "వీరు అపొస్తలులలో ప్రసిద్ధి కెక్కినవారై, నాకంటె ముందుగా క్రీస్తునందున్నవారు" అని మాట్లాడడం మనం చూస్తాం. కొందరు ఈ యూనీయ అనే ఆమెను స్త్రీగా అర్థం చేసుకుని ఆమె పౌలుతో ఖైదీగా ఉండంటే ఆమె పౌలుతో పాటు బోధించేదని, అలానే కొన్ని తర్జుమాలలో ఇక్కడ వీరు అపోస్తలులు అన్నట్టుగా తర్జుమా చెయ్యబడడాన్ని బట్టి ఈమె ఒక అపోస్తలురాలు అని వాదిస్తున్నారు. కానీ గమనించండి. ఈ యునీయా అనే వ్యక్తి స్త్రీ యా లేక పురుషుడా అనే విషయంలో ఇప్పటికీ చర్చ ఉంది. ఎందుకంటే ఆ పేరుతో పురుషులు కూడా ఉంటారు. ఒకవేళ ఆమె స్త్రీనే అయినప్పటికీ ఆమె పౌలుతోపాటు ఖైదీగా ఉందంటే ఆ కాలంలో క్రీస్తును విశ్వసించిన స్త్రీ పురుషులను చెరశాలలో వేసి చిత్రహింసలు పెట్టేవారు. ఒకప్పుడు పౌలు కూడా ఆవిధంగానే చేసాడు (అపొ.కా 8:3, 22:4). కాబట్టి ఆమె పౌలుకంటే ముందే క్రీస్తును విశ్వసించి ఆ కారణం చేత లేక సువార్తను ప్రకటిస్తున్న కారణం చేత ఖైదులో ఉండింది. ఖైదు చెయ్యబడినంతమాత్రాన సంఘంలో బోధించేదే అని ఎలా చెబుతారు?‌. అలానే వారు అపోస్తలులు అనడానికి ఎలాంటి ఆధారం లేదు. ఒకవేళ కొన్ని తర్జుమాలను ఆధారం చేసుకుని వీరు కూడా అపోస్తలులే అనంటే ప్రసిద్ధికెక్కిన ఈ అపోస్తలుల గురించి మరెక్కడా ఎందుకు రాయబడలేదు? అపోస్తలులలో పేతురు యోహానులు మాత్రమే ప్రసిద్ధికెక్కినవారిగా మనం గమనిస్తాం (గలతీ 2:9). కాబట్టి ఆ మాటలను వీరు ప్రభువుకోసం చేసిన కార్యాలను బట్టి అపోస్తలులలో మంచిపేరు సంపాదించుకున్నారని అర్థం చేసుకోవాలి. పై వాదనల్లో జ్ఞాపకం చేసిన మాటలే మళ్ళీ జ్ఞాపకం చేస్తున్నాను ఈ యునీయ అనే వ్యక్తి స్త్రీ అయ్యుండి ఆమె సంఘంలో వాక్యాన్ని బోధిస్తుంటే ప్రభువు ఆజ్ఞలను బట్టి (1 కొరింథీ 14:34-37) పౌలు ఆమెను గద్దించి సరిచేసేవాడే తప్ప ప్రోత్సహించేవాడు కాదు. అలా చేస్తే అతను కూడా ప్రభువు ఆజ్ఞలకు వ్యతిరేకంగా ప్రవర్తించినవాడు ఔతాడు.

గమనించండి; "స్త్రీ సంఘములలో మౌనముగా ఉండవలెను" (1కోరింథీ14:34) "సంఘములో స్త్రీ మాటలాడుట అవమానము" (1కోరింథీ 14:35). అనేది దేవుని ఆజ్ఞ. ఆయన ఆజ్ఞలను ప్రేమించేవారంతా ఈ సంఘ నియమాన్ని పాటిస్తారు, ఎందుకంటే ఒక నిజవిశ్వాసికి ప్రభువు ఆజ్ఞలే ప్రామాణికం, వాటికి వ్యతిరేకంగా ఏం చేసి అది ప్రభువు కోసమే చేస్తున్నాం అనుకున్నప్పటికీ ఆయన ఉగ్రతనే తప్ప ఆశీర్వాదాన్ని పొందుకోలేము. ఎందుకంటే నిజంగా ఆయనను ప్రేమిస్తే ఆయన ఆజ్ఞలను గైకొనాలి "నా ఆజ్ఞలను అంగీకరించి వాటిని గైకొనువాడే నన్ను ప్రేమించువాడు" (యోహను 14:21) "ఎవడైనను ప్రభువును ప్రేమింపకుంటే (ఆయన ఆజ్ఞలను గైకొనకుంటే) వాడు శపింపబడునుగాక" (1 కొరింథీ 16:22). దీనికి‌‌ ఒక మంచి ఉదాహరణ చెబుతాను. ఇశ్రాయేలీయులకు మొదటి రాజుగా సమూయేలు చేత అభిషేకించబడిన సౌలు‌ రాజుగా ఉండకుండా ఎందుకు విసర్జించబడ్డాడో తెలుసా? మోషే ధర్మశాస్త్రం ప్రకారం; లేవీయులు మాత్రమే యాజకత్వం చెయ్యాలి (బలులు అర్పించాలి). మిగిలిన ఏ గోత్రాలవారు ఆ పని చేసినా ధర్మశాస్త్రాన్ని మీరి ఘోరపాపం చెయ్యడం ఔతుంది. కానీ సౌలు ఇదే చేస్తాడు (1 సమూయేలు 13:8-14). సౌలు అక్కడ దేవునిపట్ల భయభక్తులతోనే అలా చేసాడు. కానీ అది దేవుని ధర్మశాస్త్ర నియమానికి విరుద్ధం కాబట్టి శపించబడ్డాడు, రాజుగా ఉండకుండా విసర్జించబడ్డాడు. "నా ఆజ్ఞలను అంగీకరించి వాటిని గైకొనువాడే నన్ను ప్రేమించువాడు" (యోహాను 14:21). "ఎవడైనను ప్రభువును ప్రేమింపకుంటే (ఆయన ఆజ్ఞలను గైకొనకుంటే) వాడు శపింపబడును గాక" (1కోరింథీ 16:22).

ఇక "స్త్రీలు మౌనముగా ఉండి, సంపూర్ణ విధేయతతో నేర్చుకొనవలెను. స్త్రీ మౌనముగా ఉండవలసినదేగాని, ఉపదేశించుటకైనను, పురుషుని మీద అధికారము చేయుటకైనను ఆమెకు సెలవియ్యను" (1 తిమోతికి 2:11,12) అనే మాటలదగ్గరకు వద్దాం. వాస్తవానికి పౌలు ఇలా ఎందుకు ఆజ్ఞాపిస్తున్నాడో ఆ క్రింది వచనాలలోనే వివరణ ఇచ్చాడు చూడండి.

1 తిమోతికి 2:13-15 మొదట ఆదామును తరువాత హవ్వయును నిర్మింపబడిరి కారా? మరియు ఆదాము మోసపరచబడలేదు గాని, స్త్రీ మోసపరచబడి అపరాధములో పడెను. అయినను వారు స్వస్థబుద్ధి కలిగి, విశ్వాస ప్రేమ పరిశుద్ధతలయందు నిలుకడగా ఉండినయెడల శిశుప్రసూతి ద్వారా ఆమె రక్షింపబడును.

బైబిల్ ప్రకారం దేవుడు మొదట పురుషుడిని సృష్టించి అతని ప్రక్కటెముక ద్వారా స్త్రీని నిర్మించాడు. కానీ ఆ స్త్రీ తనను సృష్టించిన దేవుని‌ అధికారం తనపై ఉండకూడదనే ఉద్దేశంతో తిరుగుబాటు చేసి అపరాధంలో పడింది. ఈవిధంగా దేవుడు వారు సృష్టించబడిన క్రమాన్నీ మరియు హవ్వ చేసిన పాపాన్నీ దృష్టిలో పెట్టుకుని స్త్రీని సంఘంలో బోధించే విషయంలోనూ పురుషుడిపై అధికారం చేసే విషయంలోనూ నిషేధించాడు. హవ్వకు దేవుడిచ్చిన ఆశీర్వాదాలను (గర్భఫలం) అనుభవిస్తున్న స్త్రీలు ఆమె చేసిన అపరాధాన్ని బట్టి మౌనంగా ఉండాలని ఆదేశించబడడంలో ఎలాంటి అన్యాయమూ లేదు. పురుషులు‌ కూడా ఆదాము చేసిన అపరాధాన్ని బట్టి చెమటోడ్చి కుటుంబాన్ని పోషించాలని ఆదేశించబడ్డారు కదా! (ఆదికాండము 3:19). మరో విషయం "స్త్రీలు మౌనముగా ఉండాలి" అన్నప్పుడు అసలు భర్తతో ఏ విషయంలోనూ మాట్లాడకూడదని కానీ అతనికి సలహాలు ఇవ్వకూడదని అర్థం కాదు. ఎందుకంటే వారు మంచి ఉపదేశం చేసేవారిగా కూడా ఉండాలని రాయబడింది (తీతుకు 2:4,5). కాబట్టి మౌనంగా ఉండాలి, ఉపదేశించకూడదు అన్నప్పుడు అతనిపై అధికారం చెలాయించేవిధంగా మాట్లాడకూడదు, ఉపదేశించకూడదు అని అర్థం. సంఘంలో మౌనంగా ఉండాలి అన్నప్పుడు ఉపదేశించకుండా (బోధించకుండా) ఉండాలని అర్థం. ఈ తారతమ్యాన్ని కూడా బాగా గుర్తుంచుకోవాలి. ఇక ఇందులో ఏదైనా వివక్ష ఉందా అంటే;

A: భార్యాభర్తల మధ్య ఉండే అనుబంధానికి అర్థం తెలియని స్త్రీవాదులకు, ఇలా స్త్రీలు తమ భర్తలకు లోబడియుండాలనే మాటలు జీర్ణం కాకపోవచ్చు, అది వివక్షగా అనిపించవచ్చు కానీ అక్కడ చెప్పబడుతున్న లోబడడం ప్రేమకు సంబంధించిందే తప్ప‌ బానిసత్వానికి సంబంధించింది‌ కాదు. ఉదాహరణకు పిల్లలు కూడా తమ‌ తల్లితండ్రులకు‌ విధేయులైయుండాలని వాక్యం చెబుతుంది (ఎఫెసీ 6: 1). ప్రాముఖ్యంగా తండ్రితో సమానుడైన క్రీస్తు కూడా ఆ తండ్రికి లోబడుతున్నాడు (1 కోరింథీ 15: 28, ఎఫెసీ 5:22-24). అదేవిధంగా తమకు లోబడే భార్యల‌ పట్ల భర్తలు కూడా ఎలా నడుచుకోవాలో వాక్యం స్పష్టంగా చెబుతుంది. తమ నేరాలు కప్పుకుంటూ పురుషుల నేరాలపై స్త్రీవాదుల చేసే పోరాటాలలా బైబిల్ లో ఏకపక్ష ఆదేశాలేవీ ఉండవు సుమా.

ఎఫెసీయులకు 5:25-29 పురుషులారా, మీరును మీ భార్యలను ప్రేమించుడి. అటువలె క్రీస్తు కూడ సంఘమును ప్రేమించి, అది కళంకమైనను ముడతయైనను అట్టిది మరి ఏదైనను లేక, పరిశుద్ధమైనదిగాను, నిర్దోషమైనదిగాను మహిమగల సంఘముగాను ఆయన తనయెదుట దానిని నిలువబెట్టుకొనవలెనని, వాక్యముతో ఉదక స్నానముచేత దానిని పవిత్రపరచి, పరిశుద్ధపరచుటకై దానికొరకు తన్నుతాను అప్పగించుకొనెను. అటువలెనే పురుషులు కూడ తమ సొంత శరీరములనువలె తమ భార్యలను ప్రేమింప బద్ధులైయున్నారు. తన భార్యను ప్రేమించువాడు తన్ను ప్రేమించుకొనుచున్నాడు. తన శరీరమును ద్వేషించినవాడెవడును లేడు గాని ప్రతివాడును దానిని పోషించి సంరక్షించుకొనును.

1 పేతురు 3: 7 అటువలెనే పురుషులారా, జీవమను కృపావరములో మీ భార్యలు మీతో పాలివారైయున్నారని యెరిగి, యెక్కువ బలహీనమైన ఘటమని భార్యను సన్మానించి, మీ ప్రార్థనలకు అభ్యంతరము కలుగకుండునట్లు, జ్ఞానము చొప్పున వారితో కాపురము చేయుడి.

B: పురుషుడిపై స్త్రీ అధికారం చెయ్యకూడదు స్త్రీ పై పురుషుడు అధికారం చెయ్యొచ్చా? ఈ మాటలు చెబుతున్న పౌలు స్త్రీ పురుషుడిపై ఎందుకు‌ అధికారం‌ చెయ్యకూడదో ఆ క్రిందనే స్పష్టంగా వివరించాడు.

1 తిమోతికి 2:12-14 స్త్రీ మౌనముగా ఉండవలసినదేగాని, ఉపదేశించుటకైనను, పురుషుని మీద అధికారము చేయుటకైనను ఆమెకు సెలవియ్యను. మొదట ఆదామును తరువాత హవ్వయును నిర్మింపబడిరి కారా? మరియు ఆదాము మోసపరచబడలేదు గాని, స్త్రీ మోసపరచబడి అపరాధములో పడెను.

బైబిల్ బోధిస్తున్న ప్రారంభ మానవుల చరిత్ర ప్రకారం; స్త్రీ ఏదేనులో దేవుని అధికారంపై తిరుగుబాటు చేసి ఆయన తినవద్దన్న పండును తిన్నాక, దానికి శిక్షగా ప్రసవవేదనతో పాటు, ఆత్మీయమరణాన్ని బట్టి అనగా తాను సంతరించుకున్న పతనస్వభావాన్ని బట్టి తన భర్తను పరిపాలించాలనే దుర్మార్గపు వాంఛనూ అది‌ నెరవేరకుండా తన భర్తచేత పరిపాలించబడే పరిస్థితినీ తెచ్చుకుంది. ఇది స్వయంగా ఆమె అపారాధాన్ని బట్టి తెచ్చుకున్నటువంటి పరిస్థితి. గమనించండి. దేవుడు కనుక ఆ వ్యతిరేక పరిస్థితిని కలిగించకుంటే ఆమెలో కలిగిన ఆ వాంఛను బట్టి తన భర్తతో ప్రేమ కలిగిజీవించియుండేది కాదు.

దీని గురించి మరింత వివరంగా తెలుసుకోవడానికి ఈ వ్యాఖ్యానం చదవండి.

ఆదికాండము 3వ అధ్యాయపు వ్యాఖ్యానం

ఆదికాండము 3:16 ఆయన స్త్రీతో నీ ప్రయాసమును నీ గర్భవేదనను నేను మిక్కిలి హెచ్చించెదను; వేదనతో పిల్లలను కందువు; నీ భర్తయెడల నీకు వాంఛ కలుగును; అతడు నిన్ను ఏలునని చెప్పెను.

హవ్వకు దేవుడిచ్చిన ఆశీర్వాదంలో పాలివారైన స్త్రీలు భర్తచేత పరిపాలించబడాలనే ఆమె విధిలో కూడా పాలివారవ్వడంలో అన్యాయమేమీ లేదని ఇప్పటికే జ్ఞాపకం చేసాను.‌ పైగా స్త్రీలందరూ హవ్వ శారీరక స్వభావాన్నే కాదు. ఆమె పతనస్వభావాన్ని కూడా సంతరించుకునే పుడుతున్నారు (పురుషులైతే ఆదాముది). అందుకే విశ్వాసులను ఉద్దేశించి "స్త్రీలారా, ప్రభువునకువలె మీ సొంత పురుషులకు లోబడియుండుడి" (ఎఫెసీ 5:22) అని రాయబడింది. ఈ విషయాలన్నీ పైన ప్రస్తావించిన వ్యాఖ్యానంలో వివరంగా తెలియచేసాను.

అయితే ఇక్కడ గుర్తుంచుకోవలసిన విషయం ఏంటంటే బైబిల్ కోణంలో అధికారం‌ చెయ్యడమంటే వారి క్రింద ఉన్నవారిపై పెత్తనం చెలాయించడం కాదు. వారికి ప్రేమగా పరిచర్య చెయ్యడం, సంరక్షించడం (లూకా 22: 25,26). పురుషుడు తనకు లోబడే భార్యపై అధికారిగా ఉండడమంటే ఆమెను ప్రేమించి, సంరక్షించడమే అని స్పష్టంగా రాయబడింది.

ఎఫెసీయులకు 5:28,29 అటువలెనే పురుషులు కూడ తమ సొంత శరీరములను వలె తమ భార్యలను ప్రేమింపబద్ధులైయున్నారు. తన భార్యను ప్రేమించువాడు తన్ను ప్రేమించుకొనుచున్నాడు. తన శరీరమును ద్వేషించినవాడెవడును లేడు గాని ప్రతివాడును దానిని పోషించి సంరక్షించుకొనును.

C: స్త్రీ తన భర్తకు లోబడుతూ గృహపరిపాలన చేస్తూ అధికారం చేసే స్థాయికి ఎదగకపోవడం వల్లే ఆమె పురుషుడికంటే తక్కువదనే చులకనభావం సమాజంలో ఏర్పడలేదా? స్త్రీలను అవే పాత్రలలో కొనసాగమని చెబుతున్న బైబిల్ పరోక్షంగా ఆమెను‌ తక్కువచేస్తున్నట్టే కదా?

దేవుడు స్త్రీ పురుషులను సంఘపరంగా కుటుంబపరంగా వేరువేరు పాత్రలలో నియమించినప్పటికీ వారు పాటించే బాధ్యతలలో అసమానతలు ఉండొచ్చు కానీ వ్యక్తులుగా ఎవరూ తక్కువ ఎక్కువలు కాదని ఇప్పటికే వివరించాను. ఉదాహరణకు కుటుంబంలో గృహపరిపాలన చేస్తూ తన భర్తనూ పిల్లలనూ సాకే భార్య లేకుంటే ఆ కుటుంబ పరిస్థితి ఎలా ఉంటుంది? అలాంటి గొప్ప పాత్రలో నియమించబడిన స్త్రీ పురుషుడికంటే తక్కువ ఎలా ఔతుంది.

ఒకవేళ ఎవరైనా స్త్రీ పాటించే పాత్రల విషయంలో ఆమెను పురుషుడికంటే తక్కువగా‌ చులకనగా చూస్తుంటే అది వారిలో ఉన్న జాడ్యమే తప్ప, స్త్రీలు పురుషులకంటే తక్కువగా చూపబడాలనే ఉద్దేశంతో మాత్రం దేవుడు అలాంటి పాత్రలలో వారిని నియమించలేదని గుర్తించుకోవాలి. నిద్రలేమితో బాధపడేవారికి వైద్యుడు నిద్రమాత్రలను ఇస్తూ వాటిని ఎలా వాడాలో కూడా జాగ్రతలు‌ చెబుతాడు. కొందరు అవే నిద్రమాత్రలను ఆత్మహత్యలు చేసుకోడానికీ ఇతరులను నిద్రపుచ్చి వారిపై దాడులు చెయ్యడానికీ కోరికలు తీర్చుకోడానికీ ఉపయోగిస్తుంటారు. ఇప్పుడు సమస్య ఆ మాత్రలదా వైద్యుడిదా లేక వాటిని ఉపయోగించేవారిదా? వైద్యులు ఆ మాత్రలను కనిపెట్టిన ఉద్దేశం మంచిదే కానీ నేరస్వభావం కలిగిన మనిషి వాటిని దుర్వినియోగం చేస్తున్నాడు.

స్త్రీలు పాటించే పాత్రల విషయంలో కూడా గతంలో జరిగింది ఇదే. అయినప్పటికీ వారి ఆధిక్యత చెరగిపోలేదు, ఈ రోజుకూ కుటుంబంలో తండ్రికంటే తల్లినే పిల్లలు ఎక్కువగా ప్రేమిస్తుంటారు, దానికి కారణం ఆమె చేస్తున్న గృహపరిపాలనే అని నేను ప్రత్యేకంగా చెప్పనవసరం లేదు. (వారిని‌ కనేటప్పుడు ఆమె పడిన ప్రసవవేదన గురించి తెలియని పిల్లలు కూడా ఆమె వారితో‌ గడుపుతున్న సమయాన్ని బట్టీ తీసుకుంటున్న శ్రద్ధను బట్టీ ప్రేమిస్తుంటారు)

కాబట్టి బైబిల్ గ్రంథం స్త్రీ సంఘంలో మౌనంగా ఉండాలనీ గృహపరిపాలన చెయ్యాలనీ చెప్పడంలో ఎలాంటి వివక్షా లేదు. దానికి గల కారణాలు కూడా ఇప్పటికే వివరించాను.‌

ఇక క్రైస్తవ స్త్రీవాదులు వాదిస్తున్నట్టుగా పౌలు అపోస్తలుడు కాడా? అనేదానిని పరిశీలిస్తే; పౌలు చేసిన బోధలు స్వయంగా దేవునిద్వారానే చేసాడని అనగా అవి లేఖనాలే అని సంఘానికి స్థంబంగా ఎంచబడిన పేతురు కూడా ధృవీకరించాడు.

2 పేతురు 3:15 మరియు మన ప్రభువుయొక్క దీర్ఘశాంతము రక్షణార్థమైనదని యెంచుకొనుడి. ఆలాగు మన ప్రియ సహోదరుడైన పౌలుకూడ తనకు అనుగ్రహింపబడిన జ్ఞానము చొప్పున మీకు వ్రాసియున్నాడు. వీటిని గూర్చి తన పత్రికలన్నిటిలోను బోధించుచున్నాడు; అయితే వాటిలో కొన్నిసంగతులు గ్రహించుటకు కష్టమైనవి. వీటిని విద్యావిహీనులును, అస్థిరులైనవారును, తక్కిన లేఖనములను అపార్థముచేసినట్లు, తమ స్వకీయ నాశనమునకు అపార్థము చేయుదురు (వక్రముగా త్రిప్పుదురు).

ఒకవేళ పౌలు బోధల్లో ఏమైనా తప్పులుంటే అనగా అవి దేవుడు నియమించిన బోధలు కాకుంటే పేతురు తప్పకుండా వాటిని ఖండించేవాడు. అలా కాకుండా "తక్కిన లేఖనములను అపార్థముచేసినట్లు" అని పౌలు పత్రికల గురించి ప్రస్తావించడం వల్ల ఆ పత్రికలు లేఖనాలే అని అతను నిర్ధారిస్తున్నాడు. పైగా ఈ పౌలు గతంలో పేతురును అతని ప్రవర్తన విషయంలో గద్దించాడు (గలతీ 2:11-16). కాబట్టి పౌలు బోధల్లో ఏమైనా సమస్యలుంటే పేతురు కచ్చితంగా ఊరుకునేవాడు కాదు. అపోస్తలుల కార్యములు 15వ అధ్యాయాన్ని చదివితే పౌలు తన బోధల విషయంలో అపోస్తలుల మరియు యేసుక్రీస్తు సహోదరుడైన యాకోబును సంప్రదించి మరీ తన బోధను కొనసాగించాడు. కాబట్టి పౌలు అపోస్తలుడు కాదు, అతని బోధలు దేవుని ఆజ్ఞలు కాదని వాదించడం ఆ బోధలు జీర్ణించుకోలేనివారి కుట్రనే తప్ప సత్యం కాదు. ప్రస్తుత మన అంశం అది కాదు కాబట్టి పౌలు అపోస్తలత్వంపై ఇంకా ఎక్కువగా చర్చించదలచుకోలేదు.

3. మగపిల్లాడు పుడితే 33 రోజుల అపవిత్రత, ఆడపిల్ల పుడితే 66 రోజుల అపవిత్రత ఈ భేదం ఎందుకు?

లేవీయకాండము 12:2-5 నీవు ఇశ్రాయేలీయులతో ఇట్లనుము ఒక స్త్రీ గర్భవతియై మగపిల్లను కనినయెడల ఆమె యేడు దినములు పురిటాలై యుండవలెను. ఆమె తాను ముట్టుదై కడగానుండు దినముల లెక్కను బట్టి పురిటాలై యుండవలెను. ఎనిమిదవ దినమున బిడ్డకు సున్నతి చేయింపవలెను. ఆమె తన రక్తశుద్ధి కొరకు ముప్పది మూడు దినములుండి తన రక్తశుద్ధి దినములు సంపూర్ణమగు వరకు ఆమె పరిశుద్ధమైన దేనినైనను ముట్టకూడదు, పరిశుద్ధ స్థలములో ప్రవేశింపకూడదు. ఆమె ఆడుపిల్లను కనినయెడల ఆమె తాను కడగా ఉండునప్పటివలె రెండు వారములు పురిటాలై ఉండవలెను. ఆమె తన రక్తశుద్ధి కొరకు అరువదియారు దినములు కడగా ఉండవలెను.

బైబిల్ దేవుడు స్త్రీలపై వివక్ష చూపించాడు అనేందుకు స్త్రీవాదులు/బైబిల్ విమర్శకులు మోషే‌ ధర్మశాస్త్రంలోని శీలపరీక్ష పద్ధతి తర్వాత పరిగణలోకి తీసుకునే మరో ప్రాముఖ్యమైన సందర్భం ఇదే. మనం చూసిన ఈ వాక్యభాగం లో ఒక స్త్రీ బిడ్డను కన్న తరువాత ఆమెకు‌ కలిగే స్రావాన్ని‌ బట్టి కడగా ఉండవలసిన రోజుల గురించి చెప్పబడుతున్నాయి.

(స్రావాన్ని‌ బట్టి ఎందుకు కడగా ఉండాలో ఆ సమయంలో వారు అపవిత్రులని‌ ఎందుకు రాయబడిందో రుతుస్రావం గురించిన సందర్భంలో వివరించడం జరిగింది)

అయితే‌ ఇక్కడ ఆమె కడగా ఉండవలసిన దినాల సంఖ్యలో మగపిల్లాడు పుట్టినప్పుడు ఒక వారం + 33 రోజులు, ఆడపిల్ల పుడితే మాత్రం రెండువారాలు + 66 రోజులు అనే‌ బేధం కనిపిస్తుంది. ఈ బేధాన్ని‌ బట్టి కూడా బైబిల్ దేవుడు స్త్రీపురుషులను అసమానంగా‌ చూస్తున్నాడ‌నీ ఈ సంఖ్యలో ఆడపిల్ల పుట్టినప్పుడు ఆమె తల్లి ఎక్కువరోజులు కడగా ఉండాలని ఆయన నియమించడం వల్ల ఆడపిల్ల పుట్టడాన్ని‌ ఆయన లోపంగా తక్కువగా చేస్తున్నాడని వారు వాదిస్తుంటారు.

కానీ మనం చదివిన ఆ సందర్భంలో ఎక్కడా కూడా ఆడపిల్ల మగపిల్లాడికంటే తక్కువ కాబట్టి ఆమె‌ను కన్నటువంటి తల్లి ఎక్కువదినాలు కడగా ఉండాలనే మాటలు కనిపించవు. అక్కడ అలాంటి మాటలు కనిపించప్పుడు, ఆ తల్లి ఎక్కువదినాలు కడగా ఉండాలని‌ చెప్పడంలో వేరే ఉద్దేశం కూడా ఉండియుండవచ్చుగా? ఉదాహరణకు ఆ రోజుల్లో ఆడపిల్లను కన్నతల్లిని కొందరు చులకనగా చూస్తున్నారు కాబట్టి దేవుడు ఆమెపై కరుణచూపిస్తూ ఎక్కువదినాలు విశ్రాంతిలో ఉంచాడానికే అలా నియమించాడని ఎందుకు అనుకోకూడదు? (కడగా ఉన్న స్త్రీ విశ్రాంతిలోనే‌‌ ఉంటుంది). కారణమేంటో అక్కడ స్పష్టంగా రాయబడనప్పుడు స్త్రీవాదులు దానిని‌ వివక్షకే ఎలా ఆపాదిస్తారు? ఇక్కడ కూడా ప్రతీదానినీ లింగవివక్షతో ముడిపెట్టే స్త్రీవాదుల కల్మషబుద్ధి బహిర్గతమౌతుంది.

వారి ఈ వంకరబుద్ధికి మరో ఉదహరణ కూడా చూపిస్తున్నాను.‌ బైబిల్ లో మూడవ పుస్తకమైన లేవీకాండము 12వ అధ్యాయంలోని మాటలు‌ చదివి ఇక్కడ స్త్రీపై‌ వివక్ష ఉందంటూ హడావుడి చేస్తున్న వీరు, మొదటి పుస్తకమైన ఆదికాండము మొదటి అధ్యాయంలోనే ఉన్న మాటలు చదవకుండానే ఉన్నారా?‌ అక్కడ ఏమని రాయబడిందో‌ చూపిస్తున్నాను‌ చూడండి.

ఆదికాండము1:27  దేవుడు తన స్వరూపమందు నరుని సృజించెను; దేవుని స్వరూపమందు వాని సృజించెను; స్త్రీనిగాను పురుషునిగాను వారిని సృజించెను.

ఈ వాక్యభాగంలో దేవుడు తన స్వరూపంలో స్త్రీనీ పురుషుడినీ సృజించాడని రాయబడింది. వారిద్దరూ సృజించబడిన విధానంలో తారతమ్యం‌ ఉన్నప్పటికీ వారు సమానంగా ఒకే దేవుని స్వరూపంలో సృజించబడ్డారు. దేవుని దృష్టికి‌ స్త్రీ పురుషులు ఇద్దరూ సమానమే ఇద్దరూ ఒక్కటే అనేదానిని ఈమాటలు నొక్కి చెబుతున్నాయి.

1 కొరింథీయులకు 11:11 అయితే ప్రభువునందు స్త్రీకి వేరుగా పురుషుడు లేడు పురుషునికి వేరుగా స్త్రీలేదు.

అందుకే రక్షణ‌ విషయంలో‌ కూడా దేవుడు వారిమధ్య ఎలాంటి బేధాన్నీ చూపించలేదు.

గలతీయులకు 3:27,28 క్రీస్తులోనికి బాప్తిస్మము పొందిన మీరందరు క్రీస్తును ధరించుకొనియున్నారు. ఇందులో యూదుడని గ్రీసుదేశస్థుడని లేదు, దాసుడని స్వతంత్రుడని లేదు, పురుషుడని స్త్రీ అని లేదు; యేసుక్రీస్తునందు మీరందరును ఏకముగా ఉన్నారు.

స్త్రీ పురుషులు సృజించబడిన విధానంలో తారతమ్యం ఉన్నప్పటికీ వారికి నియమించబడిన పాత్రలు‌ వేరుగా ఉన్నప్పటికీ వారిద్దరూ వ్యక్తులుగా సమానమేనని, వారికి దేవుడిచ్చే జీతం, రక్షణ ఒక్కటేయని‌ బైబిల్ ఇంత స్పష్టంగా బోధిస్తుంటే ఆడపిల్లను కన్నతల్లి రెట్టింపు రోజులు కడగా ఉండాలని‌ చెప్పినంత మాత్రాన ఆయన ఆడపిల్లను తక్కువగా చూసినట్టా? స్త్రీలపై వివక్ష ఉన్నట్టా? నేను ఈ వ్యాసం ప్రారంభంలో చెప్పినట్టుగా స్త్రీవాదులు స్వచ్ఛమైన బుద్ధితో‌ చదివితే అక్కడ అలాంటిదేమీ కనిపించదు. ఇంతకూ ఆడపిల్ల పుట్టినప్పుడు ఆ తల్లి రెట్టింపు రోజులు ఎందుకు కడగా ఉండాలో చూసేముందు మోషే ధర్మశాస్త్రంలో రాయబడిన మరో కట్టడను జ్ఞాపకం చేస్తున్నాను.

లేవీయకాండము 27:2-6 నీవు ఇశ్రాయేలీయులతో ఇట్లనుము ఒకడు విశేషమైన మ్రొక్కుబడి చేసినయెడల నీవు నిర్ణయించిన వెలచొప్పున వారు యెహోవాకు దాని చెల్లింపవలెను. నీవు నిర్ణయింపవలసిన వెల యేదనగా, ఇరువది ఏండ్లు మొదలుకొని అరువది ఏండ్ల వయస్సు వరకు మగవానికి పరిశుద్ధస్థలము యొక్క తులమువంటి యేబది తులముల వెండి నిర్ణయింపవలెను. ఆడుదానికి ముప్పది తులములు నిర్ణయింపవలెను. అయిదేండ్లు మొదలుకొని యిరువది ఏండ్లలోపలి వయస్సుగల మగవానికి ఇరువది తులముల వెలను, ఆడుదానికి పది తులముల వెలను నిర్ణయింపవలెను. ఒక నెల మొదలుకొని అయిదేండ్లలోపలి వయస్సుగల మగవానికి అయిదు తులముల వెండి వెలను ఆడుదానికి మూడు తులముల వెండి వెలను నిర్ణయింపవలెను.

మ్రొక్కుబడికి సంబంధించిన ఈ కట్టడలో మగవాడికి ఎక్కువ వెల నిర్ణయించబడింది, ఆడదానికి తక్కువ వెల‌‌ నిర్ణయించబడింది. మగపిల్లాడు పుట్టినప్పటికంటే ఆడపిల్ల పుట్టినప్పుడు ఆమె తల్లి ఎక్కువరోజులు కడగా ఉండాలి కాబట్టి బైబిల్ దేవుడు స్త్రీలపై‌ వివక్ష చూపించాడంటే ఇక్కడ మ్రొక్కుబడిలో మగవాడు ఆడదానికంటే ఎక్కువ వెలను‌‌ చెల్లించవలసి వస్తుంది. అంటే ఇక్కడ ఆయన మగవాళ్ళపై వివక్ష చూపించే వారికి ఎక్కువ వెలను నిర్ణయించాడు అంటారా? లేక స్త్రీవాదులు దీనినిమాత్రం వ్యతిరేక దిశలో ఆలోచించి, ఇదిగో బైబిల్ దేవుడు ఇక్కడ కూడా స్త్రీలపై వివక్ష చూపించాడు అందుకే వారికి తక్కువ వెలను నిర్ణయించాడు అంటారా? ఎలాగైనా బైబిల్ దేవునిపై బురదచల్లాలి. అదేగా ఆరాటం.

కానీ ఆకాలంలో స్త్రీలపై ఉన్న చులకన భావాన్ని‌ బట్టి, వారిపైనా వారి తల్లితండ్రులపైనా ఎక్కువభారం మోపకూడదనే ఉద్దేశంతోనే దేవుడు వారికి మ్రొక్కుబడి విషయంలో పురుషులకంటే తక్కువ వెలను నిర్ణయించాడు. నేనిలా చెప్పడానికి బైబిల్ దేవుడు స్త్రీ పురుషులను ఇద్దరినీ సమానంగా చూసాడనే లేఖనాలు, ఆయన ప్రజల స్థాయిని బట్టే వారిపై భారం మోపుతాడనే మరికొన్ని లేఖనాలు కూడా ఆధారంగా ఉన్నాయి. ఉదాహరణకు ఈ వాక్యభాగం పరిశీలించండి.

లేవీయకాండము 5:5-11 కాబట్టి అతడు వాటిలో ఏ విషయమందైనను అపరాధియగునప్పుడు ఆ విషయమందే తాను చేసిన పాపమును ఒప్పుకొని తాను చేసిన పాపవిషయమై యెహోవా సన్నిధికి మందలో నుండి ఆడుగొఱ్ఱెపిల్లనేగాని ఆడు మేకపిల్లనే గాని పాపపరిహారార్థబలిగా అర్పింపవలెను. అతనికి పాప క్షమాపణ కలుగునట్లు యాజకుడు అతని నిమిత్తము ప్రాయశ్చిత్తము చేయును. అతడు గొఱ్ఱెపిల్లను తేజాలని యెడల, అతడు పాపియగునట్లు తాను చేసిన అపరాధ విషయమై రెండు తెల్ల గువ్వలనేగాని రెండు పావురపు పిల్లలనేగాని పాపపరిహారార్థబలిగా ఒకదానిని దహనబలిగా ఒకదానిని యెహోవా సన్నిధికి తీసికొనిరావలెను. రెండు తెల్ల గువ్వలైనను రెండు పావురపు పిల్లలైనను తనకు దొరకనియెడల పాపముచేసినవాడు తూమెడు గోధుమ పిండిలో పదియవవంతును పాపపరిహారార్థబలి రూపముగా తేవలెను. అది పాప పరిహారార్థబలి గనుక దాని మీద నూనె పోయవలదు. సాంబ్రాణి దాని మీద ఉంచవలదు.

కాదు కాదు ఆయన వివక్షలో‌ భాగంగానే ఇలాంటి తక్కువ ఎక్కువలు నిర్ణయించాడనడానికి స్త్రీవాదులకు ఎలాంటి ఆధారాలున్నాయి? మనసు నిండా కల్మషం, ద్వేషం తప్ప. అయినా స్త్రీవాదులకు అనుకూలమైన మినహాయింపులంటే మక్కువేగా అందుకేగా స్త్రీలు ఎలాంటి తీవ్రమైన నేరం చేసినప్పటికీ వారిని పురుషులతో సమానంగా శిక్షించడాన్ని జీర్ణించుకోలేరు. వాటికి ఏదోలా కారణాలను చూపించి నేరాలు చేసిన స్త్రీలను సమర్థించాలని చూస్తుంటారు. అవే కారణాలను పురుషులకు మాత్రం ఆపాదించరు మళ్ళీ. ఇలాంటి విషయాల్లో మాత్రం సమానత్వం వద్దు వీరికి. నిజంగా వీరిలో సమానత్వభావనే ఉంటే పురుష నేరస్తులతో  పోలిస్తే స్త్రీ నేరస్తులకు పడే శిక్షలు సమానంగా (కఠినంగా) లేవు కాబట్టి  దానిని కూడా స్త్రీ పై వివక్షగానే పరిగణించి స్త్రీలను కూడా పురుషులతో పాటు సమానంగా శిక్షించమని పోరాడమనండి చూద్దాం.

ఇక విషయంలోనికి వెళ్తే "శాస్త్రీయపరంగా ఆడపిల్ల పుట్టినప్పుడు ఆమెను‌ కన్న తల్లికి మాత్రమే కాదు ఆ చిన్న బిడ్డకు కూడా 2-10 రోజులవరకూ గులాబీ రంగులో స్రావం ఔతుంది దీనిని Newborn vaginal bleeding అంటారు". దీనికి ఆధారంగా Seattle children's వారు విడుదల చేసిన వ్యాసం ఇక్కడ పెడుతున్నాను చదవండి.

Vaginal Bleeding

ఇలాంది మగపిల్లాడికి ఉండదు. అందుకే దేవుడు అతని తల్లికి మాత్రమే కలిగే స్రావాన్ని‌ బట్టి ఆమెను ఒక వారం + 33 రోజులు మాత్రమే కడగా ఉన్నమన్నాడు. ఆడపిల్ల పుట్టినప్పుడు ఆ బిడ్డకూ + ఆమె తల్లికీ కూడా కలిగే స్రావాన్ని బట్టి ఆ రోజుల సంఖ్యను రెట్టింపు చేసాడు. ఇలాంటి ఆచారాలు ఇశ్రాయేలీయులకు వ్యక్తిగత శుభ్రత విషయంలో నిష్టను నేర్పించడానికీ మరియు నూత‌న నిబంధన విశ్వాసుల ఆత్మీయ శుద్ధికి కూడా ఛాయగా చెప్పబడ్డాయని రుతుస్రావం గురించిన సందర్భంలో వివరించాను. కాబట్టి‌ ఇందులో స్త్రీ పై చూపబడిన వివక్ష ఏమీ లేదు.

అయితే ఇక్కడ పుట్టిన ఆడపిల్లకు 2-10 రోజులలోపు మాత్రమే స్రావం ఐతే  ఆరోజులు మాత్రమే కాకుండా రెండువారాలు + 66 రోజులవరకూ ఎందుకు కడగా ఉండాలనే ప్రశ్న తలెత్తవచ్చు. కానీ మోషే ధర్మశాస్త్రంలోని ఈ అపవిత్రతలకు సంబంధించిన ఆచారాలను మనం పరిశీలించినప్పుడు దాని తీవ్రతను వివరించడానికి శరీరం శుభ్రమైన తరువాత కూడా కొంత సమయం వరకూ వారిని అపవిత్రులుగానే పరిగణించడం మనకు కనిపిస్తుంది.

ఉదాహరణకు;
లేవీయకాండము 15:16,17 ఒకనికి వీర్యస్ఖలనమైన యెడల వాడు సర్వాంగ స్నానము చేసికొని సాయంకాలము వరకు అపవిత్రుడై యుండును. ఏ బట్టమీదను ఏ తోలుమీదను వీర్యస్ఖలనమగునో ఆ బట్టయు ఆ తోలును నీళ్లతో ఉదుకబడి సాయంకాలము వరకు అపవిత్రమై యుండును.

ఈ సందర్భంలో వీర్యస్ఖలనం అయిన వ్యక్తి తన శరీరాన్ని శుభ్రపరచుకున్న తరువాత కూడా సాయంకాలం వరకూ అపవిత్రుడే అని రాయబడింది.‌ నీళ్ళతో‌ ఉదకబడిన అతని వస్త్రాలు కూడా అలానే పరిగణించబడ్డాయి.

లేవీయకాండము 15:18 వీర్యస్ఖలనమగునట్లు స్త్రీ పురుషులు శయనించినయెడల వారిద్దరు నీళ్లతో స్నానము చేసి సాయంకాలము వరకు అపవిత్రులై యుందురు.

ఈ సందర్భంలో భార్యభర్తలు, కలయిక తర్వాత స్నానం చేసినా కూడా సాయంకాలం వరకూ‌ అపవిత్రులుగానే పరిగణించబడ్డారు.

లేవీయకాండము 15:19 స్త్రీ దేహమందుండు స్రావము రక్తస్రావమైన యెడల ఆమె యేడు దినములు కడగా ఉండవలెను. ఆమెను ముట్టువారందరు సాయంకాలము వరకు అపవిత్రులగుదురు.

ఈ సందర్భంలో రుతుస్రావం సమయంలో స్త్రీ 7 రోజులు అపవిత్రురాలని చెప్పబడింది. కానీ ఆరోగ్యవంతులైన స్త్రీలకు అన్ని రోజులు రుతుస్రావం అవ్వదు. కొందరికి తెలుపు స్రావం సమస్య ఉన్నప్పటికీ అది ఏడవ రోజు వరకూ అవ్వకపోవచ్చు. కానీ దేవుడు అపవిత్రతల తీవ్రతను చూపించడానికే అక్కడ ఎక్కువ సమయాన్ని నిర్ణయించాడు. ఇవి నూతననిబంధన విశ్వాసుల ఆత్మీయ‌శుద్ధికి కూడా ఛాయగా విధించబడ్డాయి కాబట్టి, వాటిని చదివినప్పుడు మన ఆత్మకు కలిగే అపవిత్రత (పాపం) కారణంగా దాని విషయంలో మనం వెంటనే పశ్చాత్తాపపడినప్పటికీ కొన్నిసార్లు దాని పర్యవసానం చాలాకాలం అనుభవించక తప్పదని (ఉదాహరణకు దావీదు జీవితం " 2 సమూయేలు 12వ అధ్యాయం") ఇవి బోధిస్తున్నాయి. ఇందులో భాగంగానే ఆడపిల్లను కన్నతల్లి ఆ బిడ్డకు కూడా కలిగిన స్రావాన్ని బట్టి అది నిలిచిపోయాక కూడా రెట్టింపు రోజులు కడగా ఉండవలసి వచ్చింది.