10:1, 10:2, 10:3, 10:4,5, 10:6, 10:7, 10:8-12, 10:13,14, 10:15-20, 10:21,22, 10:23, 10:24,25, 10:26-31, 10:32

ఆదికాండము 10:1
ఇది నోవహు కుమారుడగు షేము హాము యాపెతను వారి వంశావళి. జలప్రళయము తరువాత వారికి కుమారులు పుట్టిరి.

ఈ అధ్యాయం అంతటిలోనూ, నోవహు కుమారులనుండి ఉద్భవించిన జాతుల వివరాలను మనం చూస్తాం. ‌ఆదికాండము 11వ అధ్యాయం ప్రకారం, దేవుడు బాబేలు గోపురం దగ్గర వారందరినీ చెదరగొట్టాడు అప్పుడు వారు భూమి అంతటా వివిధ ప్రాంతాల్లో స్థిరపడి విస్తరించారు. మొదటిశతాబ్దపు యూదాచరిత్రకారుడైన ప్లేవియస్ జోసెఫెస్ తాను రాసిన "The Antiquities of the Jews" అనే మొదటి పుస్తకం ఆరవ అధ్యాయంలో ఈ వివరాలన్నీ పొందుపరిచాడు. వాటి ఆధారంగా మనం ఈ అధ్యాయంలో ప్రస్తావించబడిన జాతులు, దేశాల పేర్లను తెలుసుకునే ప్రయత్నం చేద్దాం.

దానికంటే ముందుగా, ఈ అధ్యాయంలో చెప్పబడుతున్నట్టుగా, నోవహు సంతానం నుండే ఈ భూమిపై ప్రజలు‌ విస్తరించారని, తల్లి అండం నుండి బిడ్డకు సంక్రమించే "Mitochondrial DNA" ఆధారంగా పరిశీలణ చేసిన శాస్త్రవేత్తలు కచ్చితంగా చెబుతున్నారు. దానికి సంబంధించిన వివరాలను ఈ లింక్ Open చేసి చదవవచ్చు.

https://www.icr.org/article/new-dna-study-confirms-noah

అదేవిధంగా 21వ శతాబ్దపు ప్రముఖ ఆర్కియాలజిస్ట్ "William foxwell Albright" గారు కూడా, అనేక పరిశోధనలు చేసి ఈ అధ్యాయంలో చెప్పబడుతున్న జాతుల విస్తరణ వాస్తవమని ధృవీకరించారు.

ఆదికాండము 10:2
యాపెతు కుమారులు గోమెరు మాగోగు మాదయి యావాను తుబాలు మెషెకు తీరసు అనువారు.

ఈ వచనం ప్రకారం; నోవహు పెద్దకుమారుడైన యాపెతుకు ఏడుగురు కుమారులు పుట్టినట్టు మనం చూస్తాం. వారిలో, గోమేరు నుండి, Galls (గలతీయులు) అనే జాతి ఉద్భవించింది, వీరు Modern Turkey ప్రాంతంలో స్థిరపడ్డారు. మాగోగు నుండి, Scythians అనే జాతి ఉద్భవించింది, వీరు Eastern Iran లోనూ, Central Eurasia లోనూ స్థిరపడ్డారు. మాదయి నుండి, Medes (మాదీయులు) అనే జాతి ఉద్భవించింది, వీరు Ancient Iran లో స్థిరపడ్డారు. యవాను నుండి, Ionia, Greeks అనే జాతులు ఉద్భవించాయి, వీరు Central Coastal Anatolia, Greece ప్రాంతాల్లో స్థిరపడ్డారు. తుబాలు నుండి, Iberes అనే జాతి ఉద్భవించింది, వీరు Modern Spain లో స్థిరపడ్డారు. మెషెకు నుండి, cappadocians (కప్పదొకియులు) జాతి ఉద్భవించింది, వీరు Central Anatolia (Turkey)లో స్థిరపడ్డారు. తీరసు నుండి, Tracians జాతి ఉద్భవించింది, వీరు Bulgaria (Europe) లో స్థిరపడ్డారు.

ఆదికాండము 10:3
గోమెరు కుమారులు అష్కనజు రీఫతు తోగర్మా అనువారు.

ఈ వచనం ప్రకారం; యాపెతు కుమారుడైన గోమెరు కుమారుల ద్వారా మరికొన్ని జాతులు ఉద్భవించాయి. అష్కనజు నుండి Rheginians అనే జాతి ఉద్భవించింది, వీరు Iran ప్రాంతంలో స్థిరపడ్డారు. రేపతు నుండి paphlagonians అనే జాతి ఉద్భవించింది, వీరు Black Sea Coastలోనూ, Turkey, North Central Anatolia లోనూ స్థిరపడ్డారు. తోగర్మ నుండి Phrygians అనే జాతి ఉద్భవించింది, వీరు Central Anatolia (Turkey) లో స్థిరపడ్డారు‌‌.

ఆదికాండము 10:4,5
యావాను కుమారులు ఏలీషా తర్షీషు కిత్తీము దాదోనీము అనువారు. వీరినుండి సముద్ర తీరమందుండిన జనములు వ్యాపించెను. వారివారి జాతుల ప్రకారము, వారివారి భాషలప్రకారము, వారివారి వంశముల ప్రకారము, ఆ యా దేశములలో వారు వేరైపోయిరి.

ఈ వచనాల ప్రకారం; యాపెతు కుమారుడైన యవాను ద్వారా మరికొన్ని జాతులు ఉద్భవించాయి. ఏలీషా నుండి Aeolians అనే తెగ ఉద్భవించింది, వీరు గ్రీకులలో ఉన్న నాలుగు తెగల్లో ఒక తెగ. తర్షీషు నుండి Silicia అనే తెగ ఉద్భవించింది, వీరు Asia Minor, South Coastal Area లో స్థిరపడ్డారు. కిత్తీము నుండి Chittims (కిత్తీయులు) అనేజాతి ఉద్భవించింది వీరు Cyprus అనే దీవిలో స్థిరపడ్డారు. దాదోనీము నుండి Rhodes అనే జాతి ఉద్భవించింది, వీరు Greece దేశంలో స్థిరపడ్డారు.

ఆదికాండము 10:6
హాము కుమారులు కూషు మిస్రాయిము పూతు కనాను అనువారు.

ఈ వచనంలో నోవహు కుమారుడైన హాము కుమారుల గురించి మనం చూస్తాం. కూషు నుండి, Chushites అనే జాతి ఉద్భవించింది, వీరు Ethiopia (Africa) లో స్థిరపడ్డారు. మిస్రాయీము నుండి Egyptians జాతి ఉద్భవించింది, వీరు Egypt (ఐగుప్తు) లో స్థిరపడ్డారు. పూతు నుండి ఉద్భవించిన జాతి Libya లో స్థిరపడ్డారు, వీరిని ఏమని పిలుస్తారో మనకు ఆధారాలు దొరకలేదు. కనాను నుండి Canaanites (కనానీయులు) జాతి ఉద్భవించింది, వీరు Mediterranean Sea Coast ప్రాంతంలో నివసించారు. మోషే, యెహోషువ కాలంలో వీరి ప్రాంతాలలో కొన్నింటిని ఇశ్రాయేలీయులు స్వాధీనం చేసుకున్నారు.

ఆదికాండము 10:7
కూషు కుమారులు సెబా హవీలా సబ్తా రాయమా సబ్తకా అనువారు. రాయమా కుమారులు షేబ దదాను అనువారు.

ఈవచనంలో హాము కుమారుడైన కూషు యొక్క కుమారుల గురించి మనం చూస్తాం. సెబా నుండి sabeans అనేజాతి ఉద్భవించింది, వీరు South West Arabia (Yemen) లో స్థిరపడ్డారు. హవీల నుండి Getuli అనే జాతి ఉద్భవించింది, వీరు Tunisia, Algeria, Morocco ప్రాంతాల్లో స్థిరపడ్డారు. సబ్తా నుండి Astaborans అనేజాతి ఉద్భవించింది, వీరు Nile River ప్రాంతం (Sudan,Eritrea,Nubia) లో స్థిరపడ్డారు‌. రయామాకు పుట్టిన ఇద్దరు కుమారుల నుండి ఉద్భవించిన జాతుల పేర్లు మనకు తెలియకపోయినా, వారిలో షెబ నుండి ఉద్భవించిన జాతి Ethiopiaలోనూ, దాదాను నుండి ఉద్భవించిన జాతి Western Ethiopiaలోనూ స్థిరపడ్డారు. సబ్తకా నుండి Sabactens జాతి ఉద్భవించింది, వీరు South Arabiaలో స్థిరపడ్డారు, వీరినుండి ఒక ద్రవిడతెగ కూడా ఉద్భవించింది.

ఆదికాండము10:8-12
కూషు నిమ్రోదును కనెను. అతడు భూమిమీద పరాక్రమశాలియై యుండుటకు ఆరంభించెను. అతడు యెహోవా యెదుట పరాక్రమముగల వేటగాడు. కాబట్టి యెహోవా యెదుట పరా క్రమముగల వేటగాడైన నిమ్రోదువలె అను లోకోక్తికలదు. షీనారు దేశములోని బాబెలు ఎరెకు అక్కదు కల్నే అను పట్టణములు అతని రాజ్యమునకు మొదలు. ఆ దేశములోనుండి అష్షూరుకు బయలుదేరి వెళ్లి నీనెవెను రహోబోతీరును కాలహును నీనెవెకును కాలహుకును మధ్యనున్న రెసెనును కట్టించెను; ఇదే ఆ మహా పట్టణము.

ఈ వచనాల ప్రకారం, కూషుకు పై వచనంలో మనం చూసిన కుమారులే కాకుండా నిమ్రోదు అనే కుమారుడు కూడా జన్మించాడు. ఇతడు మిగిలినవారికంటే ప్రత్యేకంగా పేరు సంపాదించడం వల్ల ఇతని గురించి రచయిత ప్రత్యేకంగా రాస్తున్నాడు. చరిత్రప్రకారంగా ఈ నిమ్రోదు భయంకరమైన వేటగాడిగా మారి, ఆకాలంలో ప్రజలకు ఇబ్బందికరంగా ఉన్న క్రూరజంతువులని వేటాడి వారికి రక్షణ కల్పించేవాడట, దానినిబట్టి ప్రజల్లో అతనికి "యెహోవా యెదుట పరాక్రమము కలిగిన వేటగాడని" పేరు వచ్చింది. ఇతను చనిపోయాక అప్పటి ప్రజలు ఇతనినీ ఇతని భార్యనూ కుమారుడినీ దేవుళ్ళుగా చేసుకుని పూజించడం ప్రారంభించారు. ఈవిధంగా, బాబిలోనియన్ మతాల్లో ఇతను ఒక దేవుడిగా మిగిలిపోయాడు.

ఆదికాండము 10:13,14
మిస్రాయిము లూదీయులను అనామీయులను లెహాబీయులను నప్తుహీయులను పత్రుసీయులను కస్లూ హీయులను కఫ్తోరీయులను కనెను. ఫిలిష్తీయులు కస్లూ హీయులలోనుండి వచ్చిన వారు.

ఈ వచనాలలో, హాము కుమారుడైన, మిస్రాయీము నుండి ఉద్భవించిన మరికొన్ని‌ జాతుల గురించి మనం చూస్తాం. ఇందులో లూదీయులు, అనామీయులు, లెహబీయులు లిబియా (Africa) లో స్థిరపడ్డారు. నప్తుహీయులు Nile River Delta ప్రాంతంలో స్థిరపడ్డారు. పత్రుసీయులు Southern Egypt (ఐగుప్తు) లో స్థిరపడ్డారు. కస్లూహీయులనుండి వచ్చిన పిలిష్తీయులు Palestine లో స్థిరపడ్డారు, తరువాతి కాలంలో ఇశ్రాయేలీయులకు వీరికి అనేకసార్లు యుద్ధాలు జరిగినట్లు మనకు బైబిల్ గ్రంథం వివరిస్తుంది. కఫ్తోరీయుల గురించి‌ మనకు ఆధారాలు లభ్యం కాలేదు.

ఆదికాండము 10:15-20
కనాను తన ప్రథమ కుమారుడగు సీదోనును హేతును యెబూసీయులను అమోరీయులను గిర్గాషీయులను హివ్వీయులను అర్కీయులను సినీయులను అర్వాదీయు లను సెమారీయులను హమాతీయులను కనెను. తరువాత కనానీయుల వంశములు వ్యాపించెను. కనానీయుల సరిహద్దు సీదోనునుండి గెరారుకు వెళ్లు మార్గములో గాజా వరకును, సొదొమ గొమొఱ్ఱా అద్మా సెబోయిము లకు వెళ్లు మార్గములో లాషావరకును ఉన్నది. వీరు తమతమ వంశముల ప్రకారము తమతమ భాషల ప్రకారము తమతమ దేశములనుబట్టియు జాతులను బట్టియు హాము కుమారులు.

ఈ వచనాలలో హాము కుమారుడైన కనాను కుమారుల నుండి ఉద్భవించిన జాతుల గురించి మనం చూస్తాం. సీదోను నుండి Sidoniuse జాతి ఉద్భవించింది, వీరు Lebanonలో స్థిరపడ్డారు. హేతు నుండి Hittities (హిత్తీయులు) జాతి ఉద్భవించింది, వీరు East Coast of Mediterranean Sea లో‌ స్థిరపడ్డారు. మెబూసీయులు, ఆమోరీయులు, గీర్గాసీయులు, హివ్వీయులు, సినీయులు, సెమరీయులు East Coast of Mediterranean Sea లో స్థిరపడ్డారు, ఈ ప్రాంతాలలో కొన్నిటిని తరువాత ఇశ్రాయేలీయులు స్వాధీనం చేసుకున్నారు. అర్కీయులు Lebanon ప్రాంతంలో స్థిరపడ్డారు. అర్వాధీయులు, హమతీయులు Syria, Syrian Coast ప్రాంతాల్లో స్థిరపడ్డారు‌.

ఆదికాండము 10:21,22
మరియు ఏబెరుయొక్క కుమారులందరికి పితరుడును, పెద్దవాడయిన యాపెతు సహోదరుడునగు షేముకు కూడ సంతానము పుట్టెను. షేము కుమారులు ఏలాము అష్షూరు అర్పక్షదు లూదు అరామను వారు.

ఈ వచనాలలో, నోవహు కుమారుల్లో యాపెతు అనేవాడు పెద్దవాడని రాయబడి, తరువాత అతని సహోదరుడైన షేము కుమారుల గురించి రాయబడడం మనం చూస్తాం. ఏలాము నుండి Elamites అనే జాతి ఉద్భవించింది, వీరు Persia (Iraq) పితరులు. వీరిద్వారానే మన దేశంలో సింధూనాగరికత ప్రారంభమైందని కొందరు పరిశోధకులు చెబుతున్నారు. అష్షూరు నుండి Assyrians (అష్షూరీయులు) జాతి ఉద్భవించింది, వీరు Mesapotomia లో స్థిరపడ్డారు, వీరిద్వారానే Ancient Sumerian నాగరికత ఉద్భవించింది. అర్పక్షదు నుండి Chaldians (కల్దీయులు) జాతి ఉద్భవించింది, వీరు Babylonia (Iraq) ప్రాంతంలో స్థిరపడ్డారు, ఇతని నుండే ఇశ్రాయేలీయులకు మూలపురుషుడైన అబ్రాహాము జన్మించాడు. లూదు నుండి Lydians అనే జాతి ఉద్భవించింది, వీరు Western Anatolia (Turkey) లో స్థిరపడ్డారు. అరాము నుండి, Aramians అనే జాతి ఉద్భవించింది, వీరి భాష పేరు Aramaic, ఈ భాషలో బైబిల్ లోని కొన్ని వచనాలు రాయబడ్డాయి. వీరు Syria ప్రాంతంలో నివసిస్తున్నందున గ్రీకులు ఆ భాషను సిరియా భాషగా పిలిచారు‌.

ఆదికాండము 10:23
అరాము కుమారులు ఊజు హూలు గెతెరు మాషనువారు.

ఈ వచనంలో అరాము కుమారుల‌ గురించి మనం చూస్తాం. ఊజు నుండి Trachonitis జాతి ఉద్భవించింది, వీరు Syria లో స్థిరపడ్డారు. హూలు నుండి ఏ జాతి ఉద్భవించిందో ఆధారాలు లభ్యం కాలేదు కానీ, వీరు Armenia దేశంలో స్థిరపడ్డట్లుగా మాత్రమే మనకు తెలిసింది. గెతెరు నుండి Bactrians అనే జాతి ఉద్భవించింది, వీరు Central Asia లో నివసించారు (Afghanistan, Kazhakistan, Uzbekistan). మాషను నుండి Characene అనే జాతి ఉద్భవించింది, వీరు Perasian Gulf ప్రాంతంలో స్థిరపడ్డారు.

ఆదికాండము 10:24,25
అర్పక్షదు షేలహును కనెను. షేలహు ఏబెరును కనెను. ఏబెరుకు ఇద్దరు కుమారులు పుట్టిరి. వారిలో ఒకనిపేరు పెలెగు, ఏలయనగా అతని దినములలో భూమి దేశములుగా విభాగింపబడెను. అతని సహోదరుని పేరు యొక్తాను.

ఈ వచనాలలో అర్పక్షదు కుమారుడైన షేలహు కుమారుడైన ఏబెరుకు పుట్టిన ఇద్దరు కుమారుల గురించి మనం చూస్తాం. వారిలో ఒకడైన పెలెగు కాలంలో భూమి దేశాలుగా విభాగించబడింది. అంతకుముందు బహుశా వారు సరిహద్దులు లేకుండా జాతుల పేర్లను బట్టే విడివిడిగా జీవిస్తూ ఉండవచ్చు.

ఆదికాండము‌ 10:26-31
యొక్తాను అల్మోదాదును షెలపును హసర్మా వెతును యెరహును హదోరమును ఊజాలును దిక్లాను ఓబాలును అబీమాయెలును షేబను ఓఫీరును హవీలాను యోబాబును కనెను. వీరందరు యొక్తాను కుమారులు. మేషానుండి సపారాకు వెళ్లు మార్గములోని తూర్పు కొండలు వారి నివాసస్థలము. వీరు తమతమ వంశముల ప్రకారము తమతమ భాషలప్రకారము తమతమ దేశ ములనుబట్టియు తమతమ జాతులనుబట్టియు షేము కుమారులు.

ఈ వచనాలలో ఏబెరు కుమారుడైన యెక్తాను కుమారుల గురుంచి మనం చూస్తాం. వీరందరూ ఏజాతుల పేర్లతో జీవించారో మనకు తెలియదు. వీరందరూ కోఫెన్ నది నుండి తూర్పువైపుగా విస్తరించారు. కోఫెన్ నది Afghanistan లో ప్రవహిస్తుంది.

ఆదికాండము 10:32
వారివారి జనములలో వారివారి సంతతుల ప్రకారము, నోవహు కుమారుల వంశములు ఇవే. జలప్రవాహము గతించిన తరువాత వీరిలోనుండి జనములు భూమిమీద వ్యాపించెను.

నోవహు కుటుంబం ఓడనుండి బయటకు వచ్చి‌నప్పుడు, దేవుడు వారిని విస్తరించమని ఆశీర్వదించినట్టుగా మనం చదువుతాం (ఆదికాండము 9:1,2) ఆ ఆశీర్వాద ఫలితంగా వారందరూ ఫలియించి అభివృద్ధి చెంది భూమిని నింపినట్టు ఈ అధ్యాయం కచ్చితమైన ఆధారాలతో మనకు సాక్ష్యమిస్తుంది.