ఈ అధ్యాయంలో దేవుడు భూమ్యాకాశాలను సృష్టించడం (1-1) రెండవ వచనం నుండి ఈ భూమిని నివాసయోగ్యంగా తీర్చిదిద్దుతూ వెలుగును సృష్టించడం (2-5) జలాలతో కప్పబడిన భూమినుండి‌ జలాలను వేరు చేసి సముద్రాలుగా ఏర్పరచడం (6-10) దేవుడు ఈ భూమిపై మొదటిగా చెట్లను మొలిపించడం (11-13) తరువాత సూర్యచంద్రులను కలుగచెయ్యడం (14-19) తరువాత ఆయన జీవరాశులను సృష్టించడం (20-25) ఆయన తన పోలిక తన స్వరూపంలో మనుషులను సృష్టించి వారిని ఆశీర్వదించడం (26-31) గురించి మనం చదువుతాం. ఇందులో అనేకమైన విమర్శలకు, అపార్థాలకు కూడా వివరణ పొందుపరచడం జరిగింది.

ఈ అధ్యాయంలో దేవుడు తన పనంతటినీ ముగించి విశ్రమించడం (1-6) ఆదామును సృష్టించి ఏదేనులో ఉంచడం (7-8) మంచిచెడ్డల తెలివినిచ్చే వృక్షఫలాల చెట్టును కూడా ఏదేనులో మొలిపించి ఆ ఫలాలను తినకూడదని ఆదాముకు ఆజ్ఞాపించడం (9-17) ఆదాముకు దేవుడు సాటియైన సహాయం చేయాలని ఆలోచించడం, ఆదాము జంతువులకూ పక్షులకూ పేర్లుపెట్టడం (18-19) ఆయన ఆదాముకు గాఢనిద్ర కలుగచేసి స్త్రీని నిర్మించి వారిద్దరినీ జతచెయ్యడం (20-25) గురించి మనం చదువుతాం.

ఈ అధ్యాయంలో, అపవాది సర్పం ద్వారా హవ్వతో మాట్లాడడం హవ్వ తనకున్న దురాశతో మోసపోవడం (1-6) ఆ ఫలాలను తినగానే ఆదాము హవ్వలకు సిగ్గుతెలిసి దేవునికి భయపడి దాక్కోవడం (7-11) వారి అతిక్రమం గురించి దేవుడు ఆరా తీసినపుడు వారిద్దరూ దానిని ఒప్పుకోకుండా, నెపాన్ని వేరొకరిపై నెట్టివెయ్యడం (12-13) దేవుడు సర్పాన్నీ దానిని ఆవహించిన అపవాదినీ శపించడం (14-15) తరువాత ఆదాము హవ్వలకు కూడా ప్రసవవేదననూ, చేతుల కష్టాన్నీ, మరణాన్నీ శిక్షగా విధించడం (16-20) మరలా దేవుడు వారిపై కనికరపడి చర్మపు వస్త్రాలను చేసివ్వడం, వారికి కలిగిన పతనస్థితిని బట్టి ఏదేనునుండి వెళ్ళగొట్టడం (21-24) గురించి మనం చదువుతాం.

ఈ అధ్యాయంలో ఆదాము హవ్వలు కయీను హేబెలులను కనడం (1-2) వారిద్దరూ యెహోవా సన్నిధికి‌ అర్పణలు తీసుకువెళ్ళడం, దేవుడు కయీను అర్పణను తిరస్కరించి హేబెలుది లక్ష్యపెట్టడం (3-5) కయీనుతో దేవుడు మాట్లాడి అతనికి ఒక అవకాశం ఇవ్వడం (6-7) కయీను హేబెలును చంపడం, దేవుడు దానిగురించి విచారించి అతడిని శపించడం (8-12) కయీనుకు ఆయన గురుతును వెయ్యడం (13-15) కయీను అక్కడినుండి వెళ్ళి నోదుదేశంలో స్థిరపడడం (16-17) కయీను సంతానం పతనస్వభావంతో విస్తరించడం (18-24) ఆదాము హవ్వలకు షేతు పుట్టడం (25-26) గురించి మనం చదువుతాం.

ఈ అధ్యాయంలో దేవుడు ఆదాము హవ్వలను సృజించి వారికి నరులని పేరుపెట్టడం (1-2) ఆదాము షేతును కనడం (3-5) షేతు వంశావళిలో ఎనోషను, హనోకు, నోవహు వంటి భక్తులు జన్మించడం (6-32) గురించి మనం చదువుతాం.

ఈ అధ్యాయంలో, దేవుని కుమారులు నరుల కుమార్తెలను వివాహం చేసుకోవడం, (1-2) వారి అక్రమం విషయంలో యెహోవా ఆత్మ వారితో వాదించడం (3) వారికి పుట్టిన పిల్లలు బలాత్కారులుగా మారడం, దేవుడు వారి చెడుతనాన్ని బట్టి నరులను చేసినందుకు సంతాపపడడం (4-6) జలప్రళయం ద్వారా వారిని నాశనం చెయ్యాలనుకుని నోవహుపై కృపచూపించడం (7-11) ఓడను కట్టమని నోవహుకు ఆజ్ఞాపించడం (12-16) నోవహుతో తన నిబంధన స్థిరపరచడం (17-18) జీవరాశులను కూడా ఆయన కాపాడదలచడం (19-20) నోవహు దేవుడు చెప్పిన సమస్తాన్ని పూర్తిచెయ్యడం (21-22) గురించి మనం చదువుతాం.

ఈ అధ్యాయంలో దేవుడు నోవహుతో తన కుటుంబం, జీవరాశులతో కలసి ఓడలోకి ప్రవేశించమని ఆజ్ఞాపించడం (1-5) నోవహు అదేవిధంగా ప్రవేశించడం (6-16) దేవుడు చెప్పినట్టే జలప్రళయం సంభవించి ఓడను పైకి తేలచెయ్యడం, పర్వతాలు కూడా మునిగిపోవడం (17-20) అప్పుడు భూమిపై ఉన్న సమస్త శరీరులూ చనిపోవడం (21-24) గురించి మనం చదువుతాం.

ఈ అధ్యాయంలో, ఓడలో ఉన్న నోవహునూ అతనితో ఉన్న సమస్తాన్నీ దేవుడు జ్ఞాపకం చేసుకోవడం, ఆయన గాలిని విసిరింపచెయ్యడం వల్ల నీరు తగ్గుతూ ఉండడం (1-3) ఓడా ఆరారాతు పర్వతాలపై నిలవడం, కొండల శిఖరాలు కనిపించడం (4-5) సమాచారం కోసం నోవహు మొదట కాకినీ తరువాత పావురాన్ని విడిచిపెట్టడం (6-12) నేల ఆరినపుడు దేవుడు నోవహునూ అతనితో ఉన్న సమస్తాన్నీ బయటకు వెళ్ళమనడం (13-19) నోవహు అర్పించిన బలిని దేవుడు స్వీకరించి ఇక జలప్రళయం ద్వారా నాశనం చెయ్యనని పలకడం (20-22) గురించి మనం చదువుతాం.

ఈ అధ్యాయంలో జీవరాశులన్నిటినీ నోవహు కుటుంబానికి లోపరచడం (1-4) నరహత్య విషయంలో హెచ్చరించడం (5-6) తన నిబంధనను మరలా జ్ఞాపకం చెయ్యడం (7-11) మరలా జలప్రళయం సంభవించదని తన నిబంధనకు గురుతుగా మేఘంలో ధనుస్సును ఉంచడం (12-17) నోవహు సంతానం ద్వారా భూమిపై మనుషులు విస్తరించడం (18-19) నోవహు మత్తుడై వస్త్రహీనుడవ్వడం, ఆ విషయంలో హాము చేసినదానిని బట్టి కనాను శపించబడడం (20-25) షేము యాపెతులను దీవించడం, చివరికి‌ అతను మరణించడం (26-29) గురించి మనం చదువుతాం.

ఈ అధ్యాయంలో నోవహు కుమారులైన షేము, హాము, యాపెతులనుండి ఏయే జాతులు ఉద్భవించాయో, వారు ఎక్కడెక్కడ స్థిరపడ్డారో వాటి వివరాలను మనం చదువుతాం (1-32).

ఈ అధ్యాయంలో దేవుడు బాబేలు గోపురం విషయంలో భూజనుల బాషలను తారుమారు చేసి చెదరగొట్టడం (1-9) అబ్రాహాము‌ వంశావళి గురించి వివరించబడడం (10-30) అబ్రాహాము దేవుని పిలుపుమేరకు హారానుకు రావడం (31-32) గురించి మనం చదువుతాం.

ఈ అధ్యాయంలో అబ్రాహాముకు దేవుడు ప్రత్యక్షమై కనానుకు వెళ్ళమనడం (1-3) అబ్రాహాము దేవుడు తనతో చెప్పినట్టే కనానుకు వెళ్ళడం (4-9) కనానులో కరవు కారణంగా అతను ఐగుప్తుకు చేరడం, అక్కడ శారయి విషయంలో అతనికి ఇబ్బందులు ఎదురవ్వడం (10-16) శారయిని బట్టి దేవుడు ఫరో ఇంటివారిని దండించడం, వారు ఆమెను అబ్రాహాముకు అప్పగించి ఐగుప్తునుండి పంపించెయ్యడం (17-20) గురించి మనం చదువుతాం.

ఈ అధ్యాయంలో అబ్రాహాముకు దేవుడు ప్రత్యక్షమై కనానుకు వెళ్ళమనడం (1-3) అబ్రాహాము దేవుడు తనతో చెప్పినట్టే కనానుకు వెళ్ళడం (4-9) కనానులో కరవు కారణంగా అతను ఐగుప్తుకు చేరడం, అక్కడ శారయి విషయంలో అతనికి ఇబ్బందులు ఎదురవ్వడం (10-16) శారయిని బట్టి దేవుడు ఫరో ఇంటివారిని దండించడం, వారు ఆమెను అబ్రాహాముకు అప్పగించి ఐగుప్తునుండి పంపించెయ్యడం (17-20) గురించి మనం చదువుతాం.

ఈ అధ్యాయంలో షీనారు ప్రాంతానికి చెందిన ఐదుగురు రాజులు సొదొమ గొమొఱ్ఱాలపై యుద్ధం చేసి లోతునూ అతని కుటుంబాన్ని చెరగా తీసుకుపోవడం (1-12) ఆ విషయం అబ్రాహాముకు తెలిసి ఆ రాజులతో యుద్ధం చేసి లోతునూ అతని కుటుంబాన్ని కాపాడుకోవడం (13-17) షాలేము రాజైన మెల్కీసెదకు అబ్రాహామును‌ ఎదుర్కొని అతనిని దీవించడం (18-20) సొదొమ రాజు మనుష్యులను‌ నాకు అప్పగించి ఆస్తిని నువ్వే తీసుకోమన్నపుడు అబ్రాహాము దానికి నిరాకరించడం (21-24) గురించి మనం చదువుతాం.

ఈ అధ్యాయంలో అబ్రాహాముకు దేవుడు ప్రత్యక్షమై అతని‌‌ బహుమానం గురించి తెలియచెయ్యడం అబ్రాహాము దానిని భౌతికపరమైన సంపదగా అర్థం చేసుకోవడం (1-3) దేవుడు అబ్రాహాముకు తన సంతానం గురించీ, కనాను దేశం గురించీ వాగ్దానం చెయ్యడం (4-7) అబ్రాహాము‌ దానికి సూచన కోరినపుడు దేవుడు అతనితో నిబంధన చేస్తూ, అతని సంతానానికి కలుగబోయే దాస్యం గురించి కూడా వివరించడం (8-21) గురించి మనం చదువుతాం.

ఈ అధ్యాయంలో శారయి తనకు పిల్లలు లేకపోవడం చూసి హాగరును అబ్రాహాముకు భార్యగా ఇవ్వడం (1-3) హాగరు గర్భవతి అయ్యాక ఆమె ప్రవర్తనను బట్టి శారయి అబ్రాహామును నిందించడం (4-5) అందుకు అబ్రాహాము శారయికి సానుకూలంగా స్పందించడం ఆమె హాగరును శ్రమపెట్టడం, హాగరు పారిపోయినపుడు యెహోవా దూత ఆమెకు ప్రత్యక్షమై ఆమె సంతానాన్ని దీవించడం‌ (6-14) తరువాత హాగరు ఇష్మాయేలును కనడం (15-16) గురించి మనం చదువుతాం.

ఈ అధ్యాయంలో దేవుడు అబ్రాహాముకు ప్రత్యక్షమై తన నిబంధన గురించి జ్ఞాపకం చెయ్యడం (1-3) అతని పేరును అబ్రాహాముగా మార్చడం (4-5) అతని సంతానం గురించి తెలియచెయ్యడం (6-8) ఆ సంతానానికి సున్నతి ఆచారాన్ని నియమించడం (9-14) శారా పేరును మార్చడం (15-16) అబ్రాహాము తన శారీరక స్థితిని బట్టి సందేహానికి లోనవ్వడం ఇష్మాయేలు గురించి వేడుకోవడం, దేవుడు దానిని అంగీకరించడం (17-22) అబ్రాహాము దేవుడు చెప్పినట్టే సున్నతి ఆచారాన్ని పాటించడం (23-27) గురించి మనం చదువుతాం.

ఈ అధ్యాయంలో యెహోవా ఇద్దరు దేవదూతలతో కలపి అబ్రాహామును దర్శించడం (1-2) అబ్రాహాము వారికి విందు చెయ్యడం (3-8) ఆయన ఇస్సాకు గురించి వాగ్దానం చెయ్యడం శారా దానికి నవ్వుకోవడం (9-15) యెహోవాతో వచ్చిన ఇద్దరు దేవదూతలు సొదొమ వైపుగా వెళ్ళక, అబ్రాహాము ఆ పట్టణాల గురించి దేవునితో మాట్లాడడం, తరువాత దేవుడు అతనియొద్దనుండి వెళ్ళిపోవడం (16-33) గురించి మనం చదువుతాం.

ఈ అధ్యాయంలో ఇద్దరు దేవదూతలు సొదొమ పట్టణంలో లోతుదగ్గరకు వెళ్ళడం, లోతువారిని విందుచెయ్యడం (1-3) సొదొమ పట్టణస్తులు వారిని బలత్కరించాలని చూసి లోతును బెదిరించడం (4-9) ఆ దేవదూతలు లోతునూ అతని కుటుంబాన్ని బయటకు తీసుకురావడం యెహోవా అతనితో మాట్లాడడం (10-23) యెహోవా ఆ పట్టణాలను అగ్నిగంధకాలు కురిపించి నాశనం చెయ్యడం (24-29) లోతు పర్వతం దగ్గర నివసిస్తున్నపుడు అతని కుమార్తెలు అతనితో హేయమైన పని చేసి గర్భవతులై పిల్లలను కనడం (30-38) గురించి మనం చదువుతాం.

ఈ అధ్యాయంలో అబ్రాహాము గెరారు ప్రాంతానికి వెళ్ళడం, అక్కడి రాజైన అబీమెలెకు శారాను ఆశించడం (1-2) అబీమెలెకును దేవుడు శారా నిమిత్తం గద్దించడం (3-7) అబీమెలెకు అబ్రాహాముతో మాట్లాడి శారాను అతనికి అప్పగించడం, ప్రాయుశ్చిత్తంగా కొంత సంపదను కూడా అందించడం (8-16) దేవుడు అబ్రాహాము ప్రార్థనను బట్టి అబీమెలెకు కుటుంబాన్ని స్వస్థపరచడం (17-18) గురించి మనం చదువుతాం.

ఈ అధ్యాయంలో దేవుడు తాను చెప్పినట్టుగానే అబ్రాహాముకు ఇస్సాకు జన్మించడం (1-5) ఆ విషయంలో శారా ఆనందించడం (6-7) ఇస్సాకు పాలువిడిచిన రోజు అబ్రాహాము విందు చెయ్యడం ఆ విందులో ఇష్మాయేలు ఇస్సాకును శ్రమపెట్టడం (8-9) దాని విషయంలో శారా హాగరునూ ఆమె కుమారుడనీ వెళ్ళగొట్టమనడం దానికి అబ్రాహాము బాధపడడం (10-11) దేవుని మాటను బట్టి అబ్రాహము కూడా దానికి అంగీకరించి వారిని పంపివెయ్యడం (12-14) అరణ్యంలో పిల్లవాడు సొమ్మసిల్లినపుడు యెహోవా దూత హాగరుకు ప్రత్యక్షమై ఆమెను ఓదార్చడం పిల్లవాడిని బ్రతికించి అతనికి తోడైయుండడం (15-21) అబ్రాహాము అబీమెలెకులు నిబంధన చేసుకోవడం (22-32) అబ్రాహాము దేవునికి ప్రార్థన చేసి పిలిష్తీయుల దేశంలో నివసించడం (33-34) గురించి మనం చదువుతాం.

ఈ అధ్యాయంలో దేవుడు అబ్రాహామును పరిశోధిస్తూ ఇస్సాకును బలిగా కోరడం (1-2) దానికి అబ్రాహాము అంగీకరించి మోరియా పర్వతం దగ్గరకు చేరుకోవడం (3-8) ఆ పర్వతంపై ఇస్సాకును‌ బలిగా అర్పించబోయినపుడు యెహోవా దూత అడ్డుకోవడం (9-12) ఇస్సాకుకు ప్రతిగా పొట్టేలును అర్పించడం (13-14) యెహోవా దూత అబ్రాహామును దీవించడం (15-18) అబ్రాహాము ఇస్సాకుతో తిరిగిరావడం అతని సహోదరుని సంతానం గురించి తెలుసుకోవడం (19-24) గురించి మనం చదువుతాం.

ఈ అధ్యాయంలో శారా మృతిచెందడం, అబ్రాహాము ఆ విషయమై విలపించడం (1-2) తరువాత అబ్రాహాము శారాను పాతిపెట్టేందుకు ఎఫ్రోను పొలాన్ని కోరడం (3-6) అతను ఆ భూమిని ఉచితంగా ఇస్తాను అన్నప్పటికీ అబ్రాహాము దానికి వెల చెల్లించడానికి బలవంతం చెయ్యడం (7-15) చివరికి ఎఫ్రోను కూడా దానికి ఒప్పుకున్నపుడు అబ్రాహాము వెలచెల్లించి ఆ భూమిని కొనుక్కోవడం (16-20) గురించి మనం చదువుతాం.

ఈ అధ్యాయంలో అబ్రాహాము ఇస్సాకు వివాహ విషయమై ఎలీయెజెరు చేత ప్రమాణం చేయించడం (1-9) ఎలీయెజెరు ప్రయాణమై రిబ్కాను గుర్తించేందుకు దేవుడిని సూచన అడగడం ఆయన దానిని నెరవేర్చడం (10-27) ఎలీయెజెరు రిబ్కా ఇంటికి వెళ్ళి జరిగిన సంగతులన్నీ వారితో పంచుకోవడం వారు రిబ్కాను ఇస్సాకుకు వివాహం చెయ్యడానికి సమ్మతించడం (28-53) ఎలీయెజరు రిబ్కాను తీసుకుని ఇస్సాకు యొద్దకు తిరిగిరావడం, అతను ఆమెను వివాహం చేసుకోవడం (54-67) గురించి మనం చదువుతాం.

ఈ అధ్యాయంలో అబ్రాహాము కెతూరాల‌ వివాహం మరియు వారి సంతానం (1-4). కుమారులకు ఆస్తిపంపకం (5,6), అబ్రాహాము మృతిబొంది సమాధి చేయబడడం (7-11), ఇష్మా యేలు వంశావళి (12-18వ), ఇస్సాకుకు సంతానం అనుగ్రహించబడడం (19-26) మరియు ఏశావు తన జ్యేష్ఠత్వమును తృణీకరించడం (27-34) గురుంచి మనం చదువుతాం.

ఈ అధ్యాయంలో కనానులో‌ కరువు వచ్చినపుడు ఇస్సాకుతో దేవుడు మాట్లాడడం (1-5), ఇస్సాకు గెరారులో నివసించి అబీమెలకుతో తన భార్యను చెల్లెలని చెప్పడం (6-11), ఇస్సాకును దేవుడు బహుగా దీవించడం వల్ల పిలిష్తీయులు అతనిపై అసూయపడి అతడిని అక్కడినుండి వెళ్ళగొట్టడం (12-17), అబ్రాహాము తవ్వించిన బావుల నిమిత్తం పిలిష్తీయులు అతనితో జగడమాడడం (18-22), దేవుడు మరలా అతనికి ప్రత్యక్షం కావడం, అబీమెలకు అతనితో నిబంధన చేసుకోవడానికి రావడం (23-31), ఇస్సాకు అజాగ్రత్త వల్ల ఏశావు కనానీయుల కుమార్తెలను వివాహం చేసుకోవడం (34-35) గురించి మనం చదువుతాం.

ఈ అధ్యాయంలో ఇస్సాకు తన మరణ సమయంలో ఏశావును దీవించాలని ఉద్దేశించడం (1-4) యాకోబే ఆ దీవెనను పొందుకోవాలనే ఉద్దేశంతో రిబ్కా ఒక ఉపాయం పన్ని యాకోబును ప్రేరేపించడం (5-17) ఇస్సాకు యాకోబును ఏశావుగా భావించి దీవించడం (19-29) వేటాడి వచ్చిన ఏశావుకు దీవెనను తన సోదరుడు తీసుకునిపోయాడని తెలిసి విలపించడం (30-36) ఇస్సాకు ఏశావుకు జరగబోయేదానికి ప్రవచించడం (37-40) ఏశావు యాకోబుపై పగపట్టినపుడు రిబ్కా యుక్తిగా ఆలోచించి అతనిని తన సోదరుడిదగ్గరకు పంపాలని ఇస్సాకుతో మాట్లాడడం (41-46) గురించి చదువుతాం.

ఈ అధ్యాయంలో, ఇస్సాకు రిబ్కాలు యాకోబును పద్దనరాముకు పంపించడం (1-5) అది తెలుసుకున్న ఏశావు తన తండ్రి మెప్పుపొందడానికి ప్రయత్నించడం (6-9) ప్రయాణంలో అలసిపోయిన యాకోబు బేతేలులో విశ్రమించి ఒక కలను కనడం, ఆ కలలో దేవుడతనికి తన వాగ్దానాన్ని జ్ఞాపకం చెయ్యడం (10-15) తరువాత యాకోను నిద్రలేచి దేవునికి మ్రొక్కుబడిని చేసుకోవడం (16-22) గురించి మనం చదువుతాం.

ఈ అధ్యాయంలో యాకోబు బేతేలునుండి సిరియాకు రావడం (1) ఒక బావిదగ్గర నిలచి అక్కడివారి కొరలు వేచిచూడడం (2-5) ఈలోపు రిబ్కా ఆ బావిదగ్గరకు రావడం (6-9) యాకోబు ఆమె మందకు నీరు పెట్టి తాను ఎవరో తెలియచేసుకోవడం (10-11) ఆమె తన తండ్రికి అ‌విషయం చెప్పినప్పుడు అతను వచ్చి యాకోబును తన ఇంటికి తీసుకువెళ్ళి నెలరోజులు అతడికి ఆతిథ్యమివ్వడం (12-15) తరువాత యాకోబు రాహేలు నిమిత్తం అతనికి కొలువు చెయ్యడానికి ఇష్టపడి అతనిచేతిలో మోసపోవడం (16-25) తరువాత రాహేలు నిమిత్తం మరో 7 సంవత్సరాలు కొలువు చెయ్యడానికి ఒప్పందం చేసుకోవడం (26-30) లేయా ద్వేషించబడినప్పుడు దేవుడు ఆమెకు గర్భఫలం ఇవ్వడం (31-35) గురించి మనం చదువుతాం.

ఈ అధ్యాయంలో రాహేలు తన అక్కపై అసూయతో యాకోబును‌‌ విసిగించడం, అందుకు యాకోబు కోపం ఆమెపై రగులుకోవడం (1-2) ఆమె సలహామేరకు యాకోబు ఆమె దాసితో పిల్లలను కనడం (3-8) లేయా కూడా అదేపని చేసి తన దాసిద్వారా పిల్లలను కనడం (9-13) పుత్రదాత వృక్షఫలాల నిమిత్తం లేయా రాహేలులు ఒప్పదం చేసుకోవడం (14-16) కానుపు ఉడిగిన లేయా మరలా గర్భవతి కావడం ఆ సమయంలో ఆమె ఒక పొరపాటు మాట మాట్లాడడం (17-21) దేవుడు రాహేలును జ్ఞాపకం చేసుకుని ఆమెకు గర్భఫలం ఇవ్వడం (22-24) తరువాత దేవుని మాటప్రకారం యాకోబు తన తండ్రి ఇంటికి వెళ్ళాలని నిశ్చయించుకుని దానిగురించి లాబానుతో మాట్లాడి మంద నిమిత్తం ఒప్పందం చేసుకోవడం (25-34) లాబాను మరలా అతనిని మోసగించే ప్రయత్నం చేసినా దేవుడు తన అద్భుతం ద్వారా యాకోను కష్టానికి ప్రతిఫలం ఇవ్వడం (35-43) గురించి మనం చదువుతాం.