కీర్తనల గ్రంథము

వారి దేవుడేడి అని అన్యజనులెందుకు చెప్పుకొందురు?

వారి విగ్రహములు వెండి బంగారువి అవి మనుష్యుల చేతిపనులు

చెవులుండియు వినవు ముక్కులుండియు వాసనచూడవు

వాటిని చేయువారును వాటియందు నమి్మకయుంచు వారందరును వాటివంటివారై యున్నారు.

అహరోను వంశస్థులారా, యెహోవాను నమ్ముకొనుడి. ఆయన వారికి సహాయము వారికి కేడెము

యెహోవా మమ్మును మరచిపోలేదు ఆయన మమ్ము నాశీర్వదించును ఆయన ఇశ్రాయేలీయుల నాశీర్వదించును అహరోను వంశస్థులనాశీర్వదించును

యెహోవా మిమ్మును మీ పిల్లలను వృద్ధిపొందించును.

ఆకాశములు యెహోవావశము భూమిని ఆయన నరుల కిచ్చియున్నాడు.

మేమైతే ఇది మొదలుకొని నిత్యము యెహోవాను స్తుతించెదము యెహోవాను స్తుతించుడి.