ఈ అధ్యాయంలో దేవుడు ఫరో హృదయాన్ని కఠినపరచడం వెనుకున్న మరో కారణాన్ని మోషేకు వివరించడం (1-2) మోషేను ఫరో యొద్దకు పంపి మిడతల తెగులు గురించి హెచ్చరించమనడం (3-6) ఫరో సేవకులు ఆ మాటలు విని ఫరోను వేడుకోవడం ఫరో మోషేను పిలిపించి ఇశ్రాయేలీయులను పంపే విషయంలో మినహాయింపులు ప్రస్తావించడం, మోషే దానికి ఒప్పుకోకపోవడం (7-11) మోషే ఐగుప్తుపైకి మిడతల దండును రప్పించడం (12-15) ఫరో మోషేను వేడుకున్నపుడు మోషే ఆ మిడతలను తొలగించడం అయినప్పటికీ ఫరో ఎప్పటిలానే ప్రవర్తించడం (16-20) దేవుడు ఐగుప్తుదేశమంతా కటికచీకటి కమ్మచెయ్యడం, అది భరించలేని ఫరో మరలా మోషేను పిలిపించి రాజీకి ప్రయత్నించడం దానికి మోషే ఒప్పుకోకపోవడం (21-29) గురించి మనం చదువుతాం.

ఈ అధ్యాయంలో మోషే జన్మించి మూడు‌ నెలలు దాచబడడం (1-2) తరువాత ఆ బిడ్డను జమ్ముపెట్టెలో పెట్టి నీటియొడ్డున విడిచిపెట్టడం, ఫరో కుమార్తె ఆ బిడ్డను కనికరించి దత్తతు తీసుకోవడం (3-10) మోషే పెద్దవాడయ్యాక ఇశ్రాయేలీయులను కలుసుకోవడం, అన్యాయం పక్షంగా పోరాటం చేసి సొంత ప్రజలచే ఎదిరించబడడం (11-14) ఫరో మోషేను చంపాలనుకున్నపుడు ఐగుప్తునుండి‌ మిద్యానుకు పారిపోయి మిద్యాను యాజకుడి గృహంలో చేరడం, అతని కుమార్తెను వివాహం చేసుకుని కుమారుడిని కనడం‌ (15-22) దేవుడు ఇశ్రాయేలీయుల మొర ఆలకించి, వారిపై లక్ష్యముంచడం (23-25) గురించి మనం చదువుతాం.

ఈ అధ్యాయంలో మోషే అరణ్యంలో తన మామ మందను మేపుతున్నపుడు మండుతున్న పొదలో యెహోవా దూత ప్రత్యక్షమై, పితరుల దేవునిగా చాటుకోవడం (1-6) ఇశ్రాయేలీయులను ఐగుప్తునుండి విడిపించడానికి మోషేను ప్రేరేపించడం (7-10) మోషే తన సామర్థ్యాన్ని అభ్యంతరంగా ప్రస్తావించడం, దానికి దేవుడు బదులివ్వడం (11-12) మోషే ఇశ్రాయేలీయుల పక్షంగా దేవుని పేరును అడగడం, దానికి ఆయన బదులివ్వడం (13-15) ఆయన మోషేకు ఐగుప్తులో ఏం‌ చెయ్యాలో, ప్రజలతో ఏమని మాట్లాడాలో వివరించడం (16-18) చివరికి ఇశ్రాయేలీయులు ఏవిధంగా విడిపించబడతారో జరగబోయేదానిని‌ ముందే ప్రకటించడం (19-22) గురించి మనం చదువుతాం.

ఈ అధ్యాయంలో మోషే ఇశ్రాయేలీయుల విషయంలో లేవనెత్తిన అభ్యంతరానికి‌ బదులుగా దేవుడు అతనితో మూడు అద్భుతాలను చేయించడం (1-8) అయినప్పటికీ మోషే తనకున్న లోపాలను‌ బట్టి దేవునిముందు ప్రాధేయపడడం, దేవుడు వాటికి కూడా పరిష్కారం చూపడం (10-12) మోషే ఇంకా తన సామర్థ్యలేమిని బట్టి వెనుకడుగు వేస్తున్నపుడు దేవుడు కోపగించి అహరోను‌ గురించి ప్రస్తావించడం (13-17) తరువాత మోషే తనమామయైన యిత్రో సెలవుతో తన భార్యాపిల్లలను తీసుకుని‌ ఐగుప్తుకు పయనమవ్వడం, సత్రంలో యెహోవా అతడిని‌ చంపచూడడం (18-24) దానికి తన కుమారుడికి సున్నతిని‌ చెయ్యకపోవడమే కారణమని గ్రహించిన సిప్పోరా ఆ కార్యాన్ని జరిగించి మోషేను కాపాడడం (25-26) మోషే అహరోనులు ఇద్దరూ సీనాయిపర్వతంపై కలుసుకుని, ఇశ్రాయేలీయుల పెద్దలదగ్గరకు వెళ్ళి దేవుడు తమతో‌ చెప్పిన అద్భుతాలను‌ చెయ్యడం, ఆ ప్రజలు మోషే చెప్పినమాటలను విశ్వసించడం (27-31) గురించి మనం చదువుతాం.

ఈ అధ్యాయంలో మోషే అహరోనులు దేవుడు తమకు ఆజ్ఞాపించినదాని ప్రకారం, ఇశ్రాయేలీయుల నిర్గమం గురించి ఫరోతో మాట్లాడడం, ఫరో దానికి ఒప్పుకోకపోవడం (1-5) ఫరో ఇశ్రాయేలీయులపై పని భారాన్ని అధికం చేసి వారిని మరింతగా కష్టపెట్టడానికి సన్నాహాలు చెయ్యడం (6-14) ఈ విషయంలో ఇశ్రాయేలీయులు ఆందోళన చెంది ఫరోవద్దకు పరుగెత్తడం, అక్కడ వారికి అవమానం ఎదురవ్వడం (15-19) వారు ఫరో వద్దనుండి వచ్చి మోషే అహరోనులను నిందించడం, మోషే కూడా దేవుణ్ణి నిందించేవిధంగా ప్రార్థించడం (20-22) గురించి మనం చదువుతాం.

ఈ అధ్యాయంలో మోషే చేసిన ప్రార్థనకు దేవుడు సమాధానం ఇవ్వడం‌, తన నామం పితరులకు తెలియబడలేదని ప్రకటించడం (1-8) ఇశ్రాయేలీయులు మోషే మాట విననప్పుడు అతడు నిరుత్సాహపడడం, దేవుడు అతడిని ఫరోవద్దకు వెళ్ళమని ఆదేశించడం (9-13) ఇశ్రాయేలీయుల గోత్రాల మూల పురుషుల వివరాలు రాయబడడం (14-30) గురించి మనం చదువుతాం

ఈ అధ్యాయంలో దేవుడు మోషే అహరోనులను ధైర్యపరచి వారు ఫరో ముందు చెయ్యవలసిన అద్భుతాల గురించి వివరించడం (1-9) మోషే అహరోనులు ఫరోముందు తమ కఱ్ఱను సర్పంగా మార్చడం, ఐగుప్తు మంత్రగాళ్ళు కూడా అలానే చెయ్యడం (10-13) మోషే అహరోనులు నైలునదిని రక్తంగా మార్చడం, ఐగుప్తు మంత్రగాళ్ళు కూడా అలానే చెయ్యడం, ఐగుప్తీయులు ఏటిపక్కన బావులను తవ్వి నీరు సంపాదించుకోవడం (14-24) గురించి మనం చదువుతాం.

ఈ అధ్యాయంలో దేవుడు ఐగుప్తు దేశం మీదకు కప్పలు రాబోతున్నట్టుగా ఫరోను హెచ్చరించమని మోషేకు సెలవివ్వడం (1-4) ఆ ప్రకారంగానే ఐగుప్తుపైకి కప్పలు రప్పించినప్పుడు ఫరోతో పాటు ఐగుప్తీయుందరూ ఇబ్బంది పడడం, శకునగాండ్రు కూడా అలానే చెయ్యడం (5-7) ఫరో మొదటిసారి మెట్టుదిగుతూ యెహోవా దేవుణ్ణి వేడుకోమని మోషేను‌ బ్రతిమిలాడడం, మోషే అలానే చెయ్యడం (8-14) ఫరో మోషేకు ఇచ్చిన మాటను తప్పినపుడు దేవుడు ఆదేశపు ధూళిని పేలుగా మార్చి వారిని ఇబ్బంది పెట్టడం (15-17) ఈ విషయంలో శకునగాండ్రు విఫలమై ఫరోకు ఇది దేవునిశక్తియని చెప్పినపుడు అతను వారిమాట వినకపోవడం (18-19) మరలా దేవుడు ఐగుప్తీ మీదికి ఈగల గుంపులను పంపడం (20-24) ఫరో మరలా మోషే అహరోనులను పిలిపించి ఈగల గుంపుల గురించి వేడుకోమనడం, మోషే ఆ ప్రకారంగా చేసినప్పుడు కూడా తన హృదయాన్ని కఠినపరచుకోవడం (25-32) గురించి మనం చదువుతాం.

ఈ అధ్యాయంలో దేవుడు, ఐగుప్తీయుల జంతువులపైకి తెగులును రప్పించబోతున్నట్టు ఫరోను హెచ్చరించడం (1-5) అదేవిధంగా చేసి ఇశ్రాయేలీయుల పశువులను ఆ తెగులునుండి మినహాయించడం (6-7) ఆవపు బుగ్గిద్వారా ఐగుప్తీయులకు దద్దుర్లు కలిగించడం (8-12) మరలా వగడండ్ల వానను కురిపించడం (13-26) ఫరో మోషే అహరోనులను పిలిపించి, ఆ వడగండ్ల వర్షం గురించి దేవుణ్ణి వేడుకోమనడం, మోషే అలానే చేసి ఆ వర్షాన్ని ఆపినప్పుడు కూడా ఫరో ఎప్పటిలానే కఠినంగా వ్యవహరించడం (27-35) గురించి మనం చదువుతాం.