ఈ అధ్యాయంలో దేవుడు ప్రత్యక్షగుడారపు వస్తువులను తయారు చెయ్యడానికి బెసలేలును పిలిచి అతనికి సహకారులను నియమించడం గురించీ (1-6) వారు చెయ్యవలసిన వస్తువుల గురించీ (7-11) విశ్రాంతి దిన కట్టడ గురించీ (12-18) మనం చదువుతాం.

ఈ అధ్యాయంలో దేవుడు ధూపవేదిక తయారీ గురించీ, దానిపై ధూపం వెయ్యవలసిన సమయం గురించీ ఆజ్ఞాపించడం (1-10) ఇశ్రాయేలీయుల జనసంఖ్యను లెక్కించమని, వారికి ప్రాణపరిక్రయ ధనం విధించమని ఆజ్ఞాపించడం (11-16) ఇత్తడి గంగాళం గురించి ఆజ్ఞాపించడం (17-21) అభిషేక తైలం గురించి ఆజ్ఞాపించడం (22-33) పరిమళ ధూపద్రవ్యం గురించి ఆజ్ఞాపించడం (34-38) మనం చదువుతాం.

ఈ అధ్యాయంలో అహరోనునూ అతని‌ కుమారులనూ యాజకులుగా‌ ప్రతిష్టించవలసిన విధి గురించీ, వారు అర్పించబలసిన బలుల గురించీ మనం చదువుతాం

ఈ అధ్యాయంలో అహరోను వంశాన్ని దేవుడు యాజకులుగా పిలవడం గురించీ, వారికి సంబంధించిన వస్త్రధారణ గురించీ మనం చదువుతాం.

ఈ అధ్యాయంలో బలిపీఠం మరియు దానితో ఉండవలసిన ఉపకరణాల తయారీ గురించీ మందిరం చుట్టూ నిర్మించవలసిన ఆవరణం గురించీ ప్రత్యక్ష గుడారంలో దీపం ఏ సమయం నుండి ఏ సమయం వరకూ‌ వెలిగించాలి అనేదాని గురించీ మనం చదువుతాం.

ఈ అధ్యాయంలో ప్రత్యక్ష గుడారాన్ని ఏయే తెరలతో ఎంతెంత పొడవు వెడల్పులు ఉన్న తెరలతో ఎలా నిర్మించాలో, వాటికి సహాయంగా ఇత్తడి బంగారు పూత పూయబడిన స్థంభాలనూ పలకలనూ ఎలా నిలబెట్టాలో మొదలైన విషయాల గురించి మనం చదువుతాం.

ఈ అధ్యాయంలో దేవుడు ప్రతిష్టార్పణ తీసుకురమ్మని ఇశ్రాయేలీయులకు ఆజ్ఞాపించడం, అలా తీసుకువచ్చిన వెండి‌, బంగారు, ఇత్తడి, మేకతోళ్లు, సన్నపునార, తుమ్మకఱ్ఱ, మొదలైన విలువైన వస్తువులతో, ప్రత్యక్షగుడారం, నిబంధన మందసం, బల్ల, దీపవృక్షం, బంగారు పాత్రలు, కెరూబులు, తయారుచెయ్యాలని ఆజ్ఞాపించడం, కొండపై ఆయన కనపరచిన‌ విధంగానే ఆ‌ ప్రత్యక్షగుడారాన్ని నిర్మించాలని మరలా మరలా హెచ్చరించడం గురించి మనం చదువుతాం.

ఈ అధ్యాయంలో దేవుడు మోషేకు తనతో పాటుగా అహరోనునూ అతని ఇద్దరు కుమారులనూ ఇశ్రాయేలీయుల పెద్దలు 70మందినీ సీనాయి పర్వతంపైకి రమ్మనడం (1-2) మోషే ఆ మాటలన్నీ ప్రజలకు వివరించి, దేవునికి బలులను అర్పింపచేసి ఆ రక్తాన్ని బలిపీఠంపై సగం ప్రజలపై సగం చల్లడం (3-8) తరువాత దేవుడు చెప్పినవారంతా పర్వతంపైకి ఎక్కిపోయి దేవుణ్ణి చూసి సజీవంగా ఉండడం (9-11) దేవుడు మరలా మోషేను ఆ పర్వతంపైకి రమ్మనడం, యెహోషువా కూడా మోషేతో పాటు అక్కడికి వెళ్ళడం, మోషే నలబై రాత్రింపగళ్ళు సీనాయి పర్వతంపై దేవుని సన్నిధిలో గడపడం (10-18) మనం చదువుతాం.

ఈ అధ్యాయంలో న్యాయానికి సంబంధించిన, పరదేశులకు సంబంధించిన, శత్రువులపట్ల కనికరానికి సంబంధించిన ఆజ్ఞల గురించీ (1-9) భూమికి ఆరు సంవత్సరాలకు ఒకసారి విశ్రాంతినివ్వాలనే దానిగురించీ, విశ్రాంతిదినం గురించీ, మూడు పండుగల గురించీ (10-19) యెహోవా దూత గురించీ (20-23) కనానీయుల విషయంలో వారి దేవతల విషయంలో హెచ్చరికల గురించీ, దేవుని షరతుల గురించీ, మరికొన్ని ప్రాముఖ్యమైన హెచ్చరికల గురించీ (24-33) మనం చదువుతాం.

ఈ అధ్యాయంలో పశుదొంగతనాల విషయంలో జరిగించవలసిన న్యాయవిధి గురించీ, ఆత్మరక్షణ హక్కు గురించీ, ఒక అజాగ్రత్త వల్ల వేరేవారి పంటకు నష్టం కలిగినప్పుడు చెల్లించవలసిన నష్టపరిహారం గురించీ, ద్రోహాల విషయంలో ప్రమాణం చేయబడడాన్ని గురించీ, లైంగిక అపవిత్రత విషయంలో వివాహ నియమం గురించీ, పరదేశులు, విధవరాండ్రు, దిక్కులేని పిల్లల విషయంలో అనుసరించవలసిన వైఖరి గురించీ, వడ్డీ వ్యాపారం గురించీ, తాకట్టుల గురించీ, యెహోవాకు అర్పించవలసిన అర్పణల గురించీ మనం చదువుతాం.

ఈ అధ్యాయంలో దేవుని న్యాయవిధులను, అనగా దాసుల పట్ల ఎలా ప్రవర్తించాలో, దాసిల పట్ల ఎలా ప్రవర్తించాలో, హత్యలకు సంబంధించిన శిక్షలు, పొరపాటున జరిగే హత్యలకు ఆశ్రయపురాలు, తల్లితండ్రులపట్ల సరిగా ప్రవర్తించని వారికి శిక్షలు, గాయపడినవారికి నష్టపరిహారాలు,....కంటికి కన్నుపంటికి పన్ను అనే శిక్షలు, హాని కలిగించిన జంతువుల, ప్రవర్తనల విషయంలో శిక్షలు, జాగ్రత్తలు గురించి మనం చదువుతాం.

ఈ అధ్యాయంలో దేవుడు సీనాయి పర్వతంపైకి దిగివచ్చి ప్రజలందరూ వినేలా పది ఆజ్ఞలను పలకడం (1-17) ఆ స్వరం విన్న ఇశ్రాయేలీయులందరూ భయానికి లోనై మోషేకు విన్నవించుకోవడం (18-19) మోషే దేవుణ్ణి సమీపించగా, ఆయన విగ్రహారాధన గురించి వారిని హెచ్చరించి, తనకు బలిపీఠం ఎలా కట్టాలో వివరించడం (20-26) మనం చూస్తాం.

ఈ అధ్యాయంలో ఇశ్రాయేలీయులు సీనాయి పర్వతం దగ్గరకు చేరుకోవడం (1-2) మోషే దేవునియొద్దకు ఎక్కిపోవడం, దేవుడు అతనికి ఇశ్రాయేలీయులతో పలకవలసిన మాటలను తెలియచెయ్యడం (3-6) మోషే ప్రజలతో ఆ మాటలు పలుకగా ప్రజలు తమ సమ్మతిని తెలియచెయ్యడం (7-8) మోషే మరలా దేవునివద్దకు ఎక్కిపోవడం, ఆయన ప్రజలకు హద్దులను ఏర్పరచడం (9-13) ఇశ్రాయేలీయులు దేవుని ఆజ్ఞ‌ చొప్పున ప్రత్యేకంగా ఉండడం, మూడవరోజు దేవుడు ఆ పర్వతంపైకి దిగిరావడం (14-20) దేవుడు మరోసారి ప్రజలకు తమ హద్దులను తెలియచెయ్యమనడం, మోషే అలానే చెయ్యడం (21-25) గురించి మనం చదువుతాం.