మత్తయి ఒకటవ అధ్యాయాన్ని రెండు ముఖ్యమైన భాగాలుగా విభాగించవచ్చు. మొగటి భాగంలో యేసుక్రీస్తు అబ్రాహాముకు చేయబడిన వాగ్దానసంతానమని, దావీదు సింహాసనానికి నిత్యవారసుడైన మెస్సీయా అని నిరూపించే వంశావళి పట్టిక గ్రంథస్తం చేయబడింది ( మత్తయి 1:1-17); రెండవ భాగంలో ఆయన వాగ్దానం చేయబడిన స్త్రీసంతానమని, శరీరధారియైన ఇమ్మానుయేలని నిరూపించే ఆయన జనన విధం వివరించబడింది (మత్తయి 1:18-25). ఎంతో సరళంగా కనిపించే ఈ అధ్యాయం మనకు నేర్పించే లోతైన సత్యాలు, వాక్యవిరోధుల విమర్శలకు సమాధానాలు మరియు వ్యక్తిగత అన్వయింపుకు సంబంధించిన పాఠాలు ఈ వ్యాఖ్యానంలోని విశేషాలు.

 పరిచయం:
ఈ అధ్యాయాన్ని రెండు‌ ముఖ్యమైన భాగాలుగా విభాగించవచ్చు. 1 నుండి 12 వరకూ ఉన్న మొదటిభాగంలో మనకు బాప్తిస్మమిచ్చు యోహాను పరిచయం ఔతాడు. అతని పరిచర్య, అతని సందేశం, వాటికి ఆధారమైన ప్రవచనం, అతని జీవన శైలి, అతని పరిచర్య సాధించిన గొప్ప విజయం, స్వనీతిపరులకు రాబోయే ఉగ్రత గురించి ఆయన చేసిన హెచ్చరిక, ఆ ఉగ్రతను తప్పించుకునే మార్గంలోకి అతను ప్రజలకు ఇచ్చిన ఆహ్వానం, అన్నిటికంటే అతి ప్రాముఖ్యంగా యేసుక్రీస్తు ప్రభువునకు అతను ఇచ్చిన పరిచయం - ఇవి ప్రధాన అంశాలు. 13 నుండి 17 వరకూ ఉన్న రెండవ భాగంలో, యోహాను చేత ప్రభువు బాప్తిస్మం పొందడం, దానివెనుక ఉన్న కారణాలు, అప్పుడు చోటుచేసుకున్న అసాధారణమైన సంగతులు, వివరించబడ్డాయి. అర్థం చేసుకోవడానికి ఎంతో సరళంగా కనిపించే ఈ వాక్యభాగంలో దాగి ఉన్న దేవశాస్త్రపరమైన సత్యాలు, క్రైస్తవ విశ్వాసానికి అత్యంతకీలకమైన సిద్ధాంతాలు. ఇందులో మాటలు క్రైస్తవులుగా మనం అన్వయించుకుని పాటించవలసిన క్రీస్తుకేంద్రిత నియమాలను మనకు బోధిస్తున్నారు. మన విశ్వాసం ఆ సిద్ధాంతాలకు భిన్నంగా ఉంటే, మన నడవడి ఆ నియమాలకు లోబడి లేకపోతే, మరోసారి స్వపరిశీలన చేసుకుని, మన విశ్వాసాన్ని వాక్యపు వెలుగులో సరిచూసుకోవడానికి, మన జీవితాన్ని అందులోని నియమాలకు అనుగుణంగా సవరించుకోవడానికి ఈ వ్యాఖ్యానం ద్వారా దేవుడు మనకు సహాయం చేయునుగాక.